TDHÇMB-niň söwdalary: STG-y we uçar kerosini eksport etmäge geleşikler baglaşyldy
Duşenbe güni, 22-nji awgustda Türkmenistanyň Döwlet haryt-çig mal biržasynyň söwdalarynda umumy bahasy $5,4 million bolan 12 geleşik baglaşyldy diýip, ORIENT-iň habarçysy habar berýär.
Türkiýäniň we Owganystanyň telekeçileri $3,1 milliona suwuklandyrylan gazyň jemi 6 müň tonnasyny satyn aldylar. STG-niň bahasy geçenki söwdalardaky bilen deňeşdirilende, 11,4 % pese düşdi we bir tonnasynyň bahasy $519 barabar boldy.
Birleşen Arap Emirlikleriniň wekili söwdalarda TS-1 görnüşli uçar kerosininiň 2 müň tonnasyny satyn aldy. Geleşgiň umumy bahasy $2,3 milliona deň boldy. Nebit önüminiň bahasy ozalky söwdalardaky bilen deňeşdirilende, 6,5 % ýokarlanyp, bir tonnasynyň bahasy $1 180,50 deň boldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
