Çarşenbe güni, 11-nji maýda Aşgabadyň Kubogy ugrunda futbol ýaryşynyň çäklerinde iki oýun geçirildi. Netijede, “Altyn Asyr” “Ahalyň” ýaşlar düzümini 3:1 hasabynda ýeňdi, “Aşgabat” we “Köpetdag” bolsa bir-biregiň derwezesine bir pokgiden geçirip, deň oýnadylar.
Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow we Täjigistanyň Oli Majlisiniň Milli Majlisiniň baştutany Rustam Emomali iki ýurduň parlamentleriniň arasynda hyzmatdaşlyk hakynda ylalaşyga gol çekdiler diýip, Täjigistanyň parlamentiniň metbugat gullugy habar berýär.
Türkmensiatnyň Prezidentiniň kararlaryna laýyklykda, 2020-nji ýylyň 1-nji ýanwaryndan 2024-nji ýylyň 30-njy dekabry aralykdaky döwürde hereket ediş möhleti tamamlanan ýa-da tamamlanýan daşary ýurt pasportlarynyň türkmen raýatlary üçin hereket ediş möhleti 2024-nji ýylyň 31-nji dekabryna çenli uzaldylýar.
Türkmenistandan Azerbaýjana we soňra energiýa serişdeleriniň üstaşyr Ýewropa iberiljek Hazarüsti gaz geçirijisiuniň togtadylan gurluşyk taslamasy täzeden ünsi çekip biler.
Ysraýylyň Türkmenistandaky täze ilçisi Bet-Iden Kaýt hormatly Prezidentimiz Serdar Berdimuhamedowa ynanç hatyny gowşurdy. Duşuşyk sişenbe güni, 10-njy maýda geçirildi.
Türkmenistanyň Eýran Yslam Respublikasyndaky Adatdan daşary we Doly ygtyýarly ilçisi Ahmet Gurbanow Yspyhan welaýatynda geçirilen Halkara surat festiwalynyň ýeňijilerini we baýrak eýelerini sylaglamagyň jemleýji dabarasyna gatnaşdy.
Türkmenistanyň wekilleri Tatarystanyň paýtagtynda 19-21-nji maý aralygynda guraljak “Russiýa – Yslam dünýäsi: KazanSummit 2022” atly XIII Halkara ykdysady sammitine gatnaşar diýip, Türkmenistanyň Söwda-senagat edarasynyň metbugat gullugy habar berýär.
Aşgabatda 16-njy maýdan 27-nji maý aralygynda “Hazar deňzi – durnukly ösüş we dolandyryş” atly halkara okuw maslahaty tapgyrlaýyn geçiriler.
Şu gün oýunlaryň ikisiniň geçirilmegi bilen Aşgabadyň Kubogy ugrunda futbol ýaryşyna badalga berildi. Birinji tapgyryň ilkinji oýnunda “Altyn Asyr” uly hasap bilen “Aşgabady” ýeňdi – 5:2. Beýleki duşuşykda “Köpetdag” “Ahalyň” ýaşlar düzüminden 2:0 hasabynda üstün çykdy.
Çarşenbe güni Merkezi Aziýa ýurtlarynyň we Russiýanyň ilkinji Parlamentara forumyna gatnaşmak üçin Russiýa Federasiýasynyň Federal Ýygnagynyň Federasiýa Geňeşiniň başlygy Walentina Matwiýenkonyň ýolbaşçylygyndaky wekiliýet Türkmenistana geldi diýip, edaranyň metbugat gullugy habar berýär.
Şu gün çap edilen Türkmenistanyň Administratiw hukuk bozulmalar hakynda Kodeksine girizilen üýtgetmeler we goşmaçalar awtoulag sürüjiler hem-de pyýadalar tarapyndan ýol hereketiniň düzgünleri bozulan halatynda salynýan jerimeleriň möçberleriniň artdyrylandygyna şaýatlyk edýär.
Sişenbe güni Türkmenistanyň Prezidenti Serdar Berdimuhamedow Türkmenistanyň MOK-nyň Baş assambleýasynyň mejlisinde biragyzdan Milli olimpiýa komitetiniň başlyklygyna saýlandy.
Çarşenbe güni Aşgabada resmi sapar bilen gelen Täjigistan Respublikasynyň Oli mejlisiniň milli Mejlisiniň başlygy, Duşenbe şäheriniň başlygy Rustam Emomali Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow bilen duşuşdy.
Sişenbe güni, 10-njy maýda Türkmenistanyň Döwlet haryt-çig mal biržasynyň söwdalarynda geleşikleriň 2-si baglaşyldy diýip, ORIENT-iň habarçysy habar berýär.
Türkmen küştçisi Meýlis Annaberdiýew küştde iň ýokary ada – grossmeýster derejesine eýe boldy. Bu baradaky çözgüt Abu-Dabi şäherinde şu ýylyň aprel aýynda FIDE-niň Geňeşiniň 1-nji mejlisinde kabul edildi.
