«Türkmenistan» awiakompaniýasynyň halkara howa gatnawlarynyň peteklerini ýene-de onlaýn görnüşde satyn alyp bilersiňiz, bu barada awiakompaniýanyň resmi web aýty habar berýär.
Aşgabadyň Olimpiýa şäherçesinde stoluň üstünde oýnalýan tennis boýunça Türkmenistanyň çempionaty tamamlandy. Ýaryşa 130 sany türgen gatnaşdy. Ähli ýaryşlarda paýtagtymyzyň ýygyndy toparynyň wekilleri «altyn» we «kümüş» medallary gazandylar. Bu barada «Neýtralnyý Turkmenistan» gazeti habar berýär.
Russiýanyň Türkmenistandaky ilçihanasynyň konsullyk bölümi 2022-nji ýylyň 1-nji dekabryndan okuw wizasy üçin ýüz tutýan talyplar üçin “göni” nobatlary ýatyrýar. Bu düzgün beýleki raýatlara hem degişlidir.
Ýekşenbe güni Aşgabadyň küşt mekdebinde telekeçileriň, hususy kompaniýalaryň işgärleriniň hem-de olaryň maşgala agzalarynyň arasynda ýaryş geçirildi. Ýaryş dört görnüş boýunça: absolýut (ýa-da açyk), zenanlar, çagalar we toparlaýyn diýen görnüşler boýunça guraldy.
"Türkmentel-2022" Halkara konferensiýasyna gatnaşanlaryň arasynda köpsanly daşary ýurtly myhmanlar bardy. Olaryň arasynda Owganystandan gelen wekiliýet hem bar. ORIENT türkmen-owgan gatnaşyklary mowzugyna degişli köp maglumat çap etdi. Goňşy halklarymyz diňe bir gadymy gatnaşyklara eýe bolman, eýsem häzirki döwürde olary üstünlikli ösdürýärler.
Türkmenbaşydaky nebiti gaýtadan işleýan zawodlar toplumynda atmosferadaky zyýanly zyňyndylary gözegçilikde saklamak we hasaba almak üçin awtomatlaşdyrylan ulgam dörediler.
Türkmenistanyň Prezidenti Serdar Berdimuhamedow Polşa Respublikasynyň baştutany Anjeý Dudany Milli Garaşsyzlyk güni bilen gutlady, bu barada TDH habar berýär.
Türkmenistanyň parlamentiniň aşaky palatasy etraplaryň, şäherleriň, welaýatlaryň häkimlikleriniň towakganamalaryny, Türkmenistanyň Ministrler Kabinetiniň teklipnamasyny nazara alyp, ýurduň çäk gurluşyny kämilleşdirmek maksady bilen, Türkmenistanyň dolandyryş-çäk bölünmesi barada ozal seredilip geçilen teklipleri durmuşa geçirmek karara geldi.
Maglumat kommunikasiýalar tehnologiýalary (MKT) ulgamynda intellektual enjamlary we düzümleýin çözgütleri dünýä derejesinde esasy öndüriji bolan Huawei kompaniýasy Türkmenistanda maglumatlary işleýän uly merkezi gurmagy maksat edinýär.
Lebap welaýatynyň Darganata etrabynda Türkmenistanyň zähmet we ilaty durmuş taýdan goramak ministrliginiň welaýat müdirligi dalaşgärler üçin boş iş orunlarynyň ýarmarkasyny geçirmegi yglan etdi – diýlip, ministrligiň resmi saýtynda habar berilýär.
Ýewraziýa ösüş banky «Merkezi Aziýanyň Ykdysadyýeti: täze garaýyş» atly seljerme hasabatyny çap etdi, ol öz gezeginde sebitiň täsirli özgerişi we ykdysady ösüşiniň täze garaýyşyny döretmekligi maksat edindi – diýip, bu barada ÝÖB-niň resmi web saýty habar berýär.
Türkiýäniň Prezidenti Rejep Taýyp Erdogan dekabr aýynyň başynda Azerbaýjanyň we Türkmenistanyň ýolbaşçylary bilen Russiýa tarapyndan teklip edilýän "gaz merkeziniň" taslamasyny ara alyp maslahatlaşmak isleýändigini aýtdy – diýip “РИА Новости” habar berýär.
Ýaponiýanyň halkara taslamasynyň çäklerinde Halkara ynsanperwer ylymlary we ösüş uniwersitetine ýapon kitaplaryny sowgat bermek boýunça dabaraly çäre geçirildi, bu barada Ýaponiýanyň Türkmenistandaky ilçihanasynyň metbugat habarynda aýdylýar.
Türkmenistanyň Maliýe we ykdysadyýet ministrliginiň binasynda Türkmenistanda BMGÖM-nyň edarasynyň «Durnukly ösüş maksatlaryna ýetmek üçin hyzmatdaşlyk platformasy, II tapgyrynyň» çäklerinde duşuşyk geçirildi.
Telearagatnaşyk, we maglumat tehnologiýalary boýunça “Türkmentel — 2022” atly halkara maslahaty öz işini tamamlady. Ýöne, oňa gatnaşanlaryň aýdyşy ýaly, olar myhmansöýer türkmen topragynda kärdeşleri bilen bolan duşuşyklary uzak wagtlap ýatlarlar.
