ÝÖB soňky 20 ýylyň dowamynda Merkezi Aziýanyň ykdysady ösüşi baradaky hasabaty çap etdi
Ýewraziýa ösüş banky «Merkezi Aziýanyň Ykdysadyýeti: täze garaýyş» atly seljerme hasabatyny çap etdi, ol öz gezeginde sebitiň täsirli özgerişi we ykdysady ösüşiniň täze garaýyşyny döretmekligi maksat edindi – diýip, bu barada ÝÖB-niň resmi web saýty habar berýär.
Statistika maglumatlaryna görä, sebit ýurtlarynyň jemi içerki önümi 20 ýylyň dowamynda 7,5 esse artyp, $347 milliard dollar we ilatyň sany bolsa 1,4 esse köpelip, ol 77 milliona barabar boldy. Ortaça ýyllyk ykdysady ösüş ýokary dinamikany saklap — 6,2% göterime eýe boldy, şol bir wagtyň özinde beýleki ýürtlaryň ösüşi bary-ýogy 2 göterime deň boldy. Ortaça ýyllyk içerki önümiň satyn alyjylyk mümkinçilikleri 3 esse köpelip, sebitiň maýa goýumy $211 milliard dollar, daşary söwda dolanyşygy bolsa 6 esse ýokarlanyp, $165,5 milliard dollara barabar boldy.
Bankyň bilermenleriniň hasaplamalaryna görä, sebitiň güýçli depginli ykdysady ösüşiniň täsiri şulardan ybarat:
– amatly geografiki ýerleşmegi,
– eksporta gönükdirilen senagat,
– 20 ýyldan gowrak wagtyň dowamynda döwrebaplaşdyrylan we häzirki wagtda $52,8 milliard dollara deň bolan kuwwatly energiýa toplumy,
– ilatyň ykjamlylygy we Hazar deňzi ýaly durnukly ulag we logistika merkezleriniň emele gelmegi.
Şol bir wagtyň özinde esasy ykdysady bökdençlikler hem bellenip geçilýär, olaryň arasynda — deňze çykalganyň ýoklugy, suw baýlyklary bilen baglanşykly meseleleriň bolmagy we howa şertleriniň üýtgemegi bar. Şu nukdaýnazardan pes uglerodly tehnologiýalara we “ýaşyl” taslamalara maýa goýumlaryny çekmäge uly üns berilýär.
ORIENT news
Surat: fergana.agency
