Hytaýyň demir ýol tehnikasyny öndüriji CRRC Ziyang Türkmenistan tarapyndan öň satyn alnan lokomotiwler üçin bahasy $30 mln-a deň bolan ätiýaçlyk şaýlaryny üpjün etmek barada onlaýn şertnama baglaşdy – diýip, kompaniýa özüniň Twitter-hasabynda ýazýar.
9-njy ýanwardan 10-njy ýanwara geçilen gije Londonyň asmanynda we Beýik Britaniýanyň beýleki etraplarynda özünden soň otly yz galdyryp giden äpet meteor uçup geçipdir. Ony görenler gaty geň galdylar, käbirleri bolsa howsala düşdüler – diýip, Yorkshire Live habar berýär.
11-nji dekabrda Aşgabatda geçen “Dialog-parahatçylygyň kepili” atly Halkara maslahatyň jemleýji resminamasy BMG-niň Baş Assambleýasynyň 77-nji sessiýasynyň resmi resminamasy hökmünde çap edildi – diýip, Türkmenistanyň DIM-niň resmi saýty habar berýär.
Ýer planetasynyň ozon gatlagy bellenilen meýilnama görä barýar – BMG-niň goldamagynda Ýeriň ozon gatlagyny goramak baradaky Bütindünýä ylalaşygyň ozony ýok edýän jisimler boýunça Monreal Teswirnamasynyň ylmy bahalandyrmasy boýunça işleýän bilermenler topary şeýle netijä geldiler – diýip, unep.org. habar berýär.
Türkmenistanyň Prezidentiniň ýanyndaky döwlet gullukçylarynyň Akademiýasynyň saýtynda maglumat-kommunikasiýa tehnologiýalary boýunça türkmen dilinde okuw berýän şekilli sapaklary elýeterli boldy – diýip, USAID-iň Türkmenistanda döwlet dolandyryşyny kämilleşdirmäge goldaw bermek Maksatnamasynyň habarynda aýdylýar.
Türkmenistanda ýaş pedagoglar üçin täze saýt işläp başlady TmPedagog - diýip, “Rysgal”gazeti habar berýär.
Russiýada ýurda gelýän syýahatçylaryň möçberini artdyrmak maksady bilen, daşary ýurtly raýatlaryň nagt däl tölegleri amala aşyryp bilmekleri üçin «Syýahatçynyň kartasyny» dörederler. Bu barada Russiýanyň Ykdysady ösüş ministri Maksim Reşetnikow syýahatçylyk pudagynyň wekilleri bilen bolan maslahatynda aýtdy – diýip, GDA-nyň resmi saýty habar berýär.
Türkmenistanyň IIM-niň ýangyn howpsuzlyk gullugy SMS arkaly abonentleri TMCELL sowuk howa döwründe ýangyn howpsuzlygynyň düzgünlerini berjaý etmegiň wajypdygy barada habardar etdi.
Amerikanyň Deere Company oba hojalyk tehnikasyny öndürijisi Amerikanyň fermerler birleşigi bilen özara düşünişmek hakynda Ähtnama gol çekdi. Bu resminama bütin dünýäniň fermerlerine öz tehnikasyny özbaşdak abatlamaga rugsat berýär – diýip, Rambler habar berýär.
Gyrgyzystan «ýaşyl» taslamalary durmuşa geçirmek we tutuş ýurtda gidroelektrik stansiýalary gurmagyň hasabyna elektrik energiýasyny satyn alýan ýurtdan elektrik energiýasyny ýerleýän ýurda öwrülmegi mümkindir – diýip, Sadyr Japarow özüniň Facebook ulgamyndaky çap eden çykyşynda beýan etdi.
Türkmen ýaşlarynyň halkara hyzmatdaşlyk strategiýasyny işläp taýýarlamagyň wagty geldi. Şeýle etmäge ýurduň DIM-niň Halkara gatnaşyklary institutynda çykyş edip, wise-premýer, Türkmenistanyň daşary işler ministri Raşid Meredow çagyrdy.
Türkmen parlamentiniň deputatlar palatasy - Mejlisiň Başlygy Gülşat Mämmedowa Antaliýada geçirilen Aziýa mejlis assambleýasynyň 13-nji umumy mejlisiniň çäginde Türkiýäniň Beýik Milli Assambleýasynyň başlygy Mustafa Şentop bilen duşuşdy.
11-nji ýanwardan RF-de sürüjilere awtoulagdan, ýük awtoulagyndan, tirkegli ulagdan ýanýoda ýa-da tokaýda zir-zibili zyňandyklary üçin jerime ýazlyp başlanar. Düzgün administratiw hukuk bozmalar hakynda kodekse girizilen üýtgetmelere laýyklykda güýje girýär diýip, “Kommersant” ýazýar.
Sişenbe güni, 10-njy ýanwarda ýokary synp okuwçylary üçin “Parahatçylygyň ýaş çaparlary” atly akyl-paýhas oýnuna badalga berler. Okuwçylar “Gadymy hytaý siwilizasiýasy: gadymy medeniýetiň birleşdiriji güýji” diýen temada bilimleri boýunça bäsleşerler.
Hormatly Prezidentimiz iş maslahatyny açyp, welaýatlaryň häkimlerine söz berdi. Häkimler şu günler welaýatyň ekin meýdanlarynda alnyp barylýan oba hojalyk işleriniň ýagdaýy, şeýle hem ýurdumyzy durmuş-ykdysady taýdan ösdürmegiň Maksatnamalarynda göz öňünde tutulan işleriň ýerine ýetirilişi barada hasabat berdiler. Şeýle hem häkimler welaýatda ýyladyş ulgamlaryny kadaly işletmek, elektrik energiýasy, suw we tebigy gaz bilen bökdençsiz üpjün etmek boýunça geçirilýän zerur çäreler, şeýle hem welaýatlarda gurluşygy alnyp barylýan medeni-durmuş we önümçilik maksatly desgalardaky işleriň depgini barada hasabat berdi.
