John Deere dünýäniň ähli fermerlerine öz tehnikasyny özbaşdak abatlamaga rugsat etdi
Amerikanyň Deere Company oba hojalyk tehnikasyny öndürijisi Amerikanyň fermerler birleşigi bilen özara düşünişmek hakynda Ähtnama gol çekdi. Bu resminama bütin dünýäniň fermerlerine öz tehnikasyny özbaşdak abatlamaga rugsat berýär – diýip, Rambler habar berýär.
Ozal John Deere kysymly oba hojalyk enjamlaryny öndürijiler müşderlerden olaryň öz ätiýaçlyk şaýlaryny we abatlamak üçin hyzmat ediş bölümlerini ulanmaklygy talap edýärdiler we diňe ygtyýarlandyrylan dilerlere çylşyrymly kompýuterleşdirilen tehnikasyna hyzmat etmägerugsat berýärdi.
Assosiasiýanyň prezidenti Zippi Dýuwalyň beýan etmegine görä, bu ähtnama näsazlyklary ýüze çykarmaga we bütin dünýädäki garaşsyz mehaniklere anyklaýyş işlerini amala aşyrmaga mümkinçilik berer.
Önümçilik çykdajylarynyň artmagy we bejermegiň gymmata düşýänligi sebäpli “abatlamak üçin hukuk” hereketi soňky wagtlarda iri transmillikorporasiýalaryň derwaýys temasy boldy.
Türkmenistanyň agrar pudagy John Deerkompaniýasyndan tehnikany yzygiderli satyn alýar. Ozal 2022-nji ýylda Türkmenistanyň Oba hojalygy we daşky gurşawy goramak ministrligi John Deere Walldorf GmbH & Co.KG kompaniýasy bilen bu tehnikanyň uly tapgyryny we ätiýaçlyk şaýlaryny biziň ýurdumyza getirmek hakynda şertnama gol çekipdi.
ORIENT habarlar
Foto: deere.de
