MT-ry boýunça täze şekilli sapaklar Türkmenistanyň döwlet gullukçylarynyň Akademiýasynda elýeterli boldy
Türkmenistanyň Prezidentiniň ýanyndaky döwlet gullukçylarynyň Akademiýasynyň saýtynda maglumat-kommunikasiýa tehnologiýalary boýunça türkmen dilinde okuw berýän şekilli sapaklary elýeterli boldy – diýip, USAID-iň Türkmenistanda döwlet dolandyryşyny kämilleşdirmäge goldaw bermek Maksatnamasynyň habarynda aýdylýar.
Ilkibaşda Akademiýanyň diňleýjileri üçin ýazylan 10 sany şekilli sapak maglumat tehnologiýalarynyň we kompýuter tehnikasynyň esaslaryna bagyşlanandyr. Olar indi giň köpçülik üçin hem elýeterlidir.
«Hilli şekilli sapaklaryň taýýarlanmagy däp bolup gelýän okuw sapaklaryny taýýarlamaga garanda has köp tagalla talap edýär. Ýöne edil şekilli okatmak hünäri ýokarlandyrmagyň netijeli guralydyr. Şekilli sapaklar tema degişli düşünjeleri we adalgalary (terminleri) jikme-jik we görkezip düşündirmek bilen,gysga wagtyň içinde hünär bilimini kämilleşdirmäge ukyplydyr» – diýip, habarda aýdylýar.
ORIENT habarlar
Skrinşot: dga.edu.tm
