Bahar baýramynyň dynç alyş günleriniň tamamlanmagy bilen Hytaý boýunça ulag merkezlerinde adamlaryň yzyna dolanyş gatnawlary köpelip, hyzmatlaryň gerimi giňeldildi.

Şansi welaýatynyň Taiýuan Wusu halkara howa menzilinde dynç alyşyň soňky güni bolan duşenbe güni 336 sany howa gatnawlary meýilleşdirildi we 51 müň sany ýolagça hyzmat edilmegine garaşylýar. Howa gatnawlarynyň aglaba bölegi Taiýuan bilen Şanhaý, Şençžen, Guançžou we Çendu şäherleriniň arasynda amala aşyryldy.

Howa menzili ýolagçy gatnawlarynyň sanyna laýyklykda işleri sazlap, ilkinji gezek uçýan ýolagçylara, gyssagly ýola düşen ýolagçylara hem-de gijä galanlara ýörite hyzmatlary hödürledi.

Hytaý demirýollarynyň Guançžou edarasy düşenbe güni 2 million 577 müň sany ýolagça hyzmat etdi, bu görkeziji geçen ýyl bilen deňeşdirilende 14.5 göterim ýokarydyr. Guançžou demirýollary jemi 3 979 ýolagçy otly gatnawlaryny ýola goýdy, şol sanda 747 sany goşmaça ýolagçy otlulary işe goýberildi.

Awtoullarda hem ulag gatnawlarynyň sany artdy. Tianszin şäherinde tizlikli ýollarda ulag gatnawlarynyň sany ýokary boldy. Häkimiýetler awtoýollaryň ýagdaýy barada edil häzirki wagt tertibinde maglumat berip, ulag gatnawlarynda bökdençlikleriň öňüni aldy. Hebeý welaýatynyň Şisziažuan şäheriniň töweregindäki ýollarda ýekşenbe gününden bäri ulag gatnawlary köpeldi, polisiýanyň ýol wideo gözegçiligi hem-de tertip-düzgünlere gözegçilik gullugy güýçlendirildi.

Sziansu welaýatynyň Ýanszy derýasyndaky köprülerde, şol sanda Szianýin awtomobil köprüsinde soňky hepde dowamynda günde ortaça 125 müň ulag gatnawlary hasaba alyndy.