Beýik Britaniýanyň Türkmenistandaky Ilçihanasy 2026-njy ýylyň 20–24-nji aprelinde Londonda geçiriljek Beýik Britaniýanyň Maliýe tehnologiýalary hepdeligi 2026 (UK FinTech Week 2026) barada habar berýär.

Bu çäre dünýäniň dürli ýurtlaryndan maliýe tehnologiýalary kompaniýalarynyň esaslandyryjylaryny, telekeçileri, maýadarlary, bank ýolbaşçylaryny, düzgünleşdiriji edaralaryň wekillerini, syýasatçylary, alymlary hem-de köpçülikleýin habar beriş serişdeleriniň wekillerini bir ýere jemleýär. Çäräniň maksatnamasyna 2026-njy ýylyň Global maliýe innowasiýalary sammiti (IFGS 2026), interaktiw seminarlar, bölümçe maslahatlaşmalary hem-de iň täze tehnologiýalaryň tanyşdyrylyşy girýär.

Beýik Britaniýanyň Ilçihanasy UK FinTech Week 2026 çäresiniň türkmen wekilleri üçin aşakdaky gymmatly mümkinçilikleri hödürleýändigini belleýär:

• sanly bank işi, töleg ulgamlary, emeli aň (AI) we kiberhowpsuzlyk ugurlarynda öňdebaryjy maliýe düzgünleşdiriji edaralarynyň tejribesini öwrenmek;

• halkara banklarynyň öňdebaryjy maliýe tehnologiýalaryny integrirlemek boýunça tejribeleri bilen tanyşmak;

• Türkmenistanyň bank ulgamynyň sanly özgerdilişini goldamak maksady bilen britan we halkara tehnologiýa üpjün edijileri bilen göni hyzmatdaşlyk etmek.

Ilçihana Türkmenistanda sanly ykdysadyýeti ösdürmegiň 2026–2028-nji ýyllar üçin Konsepsiýasynyň tassyklanylmagyny we ýurdumyzyň bank-maliýe infrastrukturasynyň döwrebaplaşdyrylmagy ugrunda gazanylýan ösüşleri belläp geçýär. UK FinTech Week 2026 çäresine gatnaşmak türkmen wekillerine öňdebaryjy halkara tejribäni öwrenmäge, hyzmatdaşlyk gatnaşyklaryny berkitmäge hem-de maliýe ulgamynyň sanly özgerdilişini goldamaga mümkinçilik berer.

Goşmaça maglumatlar UK FinTech Week 2026 resmi web sahypasynda elýeterlidir.