Biziň yhlasymyz – adamlary ýakynlaşdyrmak
Habarlar
Makalalar
Media
Anons
Tehnologiýalar
Biz barada
Habarlaşmak üçin
||
3–6-njy noýabr aralygynda Döwletmämmet Azady adyndaky Türkmen milli dünýä dilleri institutynyň ylmy işler boýunça prorektory Selbi Batyrowanyň hem gatnaşmagynda, Türkmenistanyň wekilleri Koreýa Respublikasynyň Kanwon milli uniwersiteti tarapyndan guralan Halkara bilim maslahatyna gatnaşdylar. Ylym-bilim ulgamyndaky hyzmatdaşlygyň çäginde geçirilen bu duşuşyk iki ýurduň medeni-ynsanperwer gatnaşyklarynyň yzygiderli giňelýändigini görkezdi.
Döwletmämmet Azady adyndaky TMDDI-niň ylmy işler boýunça prorektory S. Batyrowanyň hem-de Aşgabatdaky Patyşa Sejon adyndaky Koreý dili merkeziniň direktory M. Hudaýnazarowanyň bu maslahata gatnaşmagy ýurtlaryň arasyndaky dostluk gatnaşyklarynyň konstruktiw häsiýete eýedigini görkezýär.
Maslahatyň dowamynda S. Batyrowa Türkmenistanyň öňdebaryjy dil ýokary okuw mekdebiniň alyp barylýan işleri barada çykyş etdi. Ol çykyşynda Döwletmämmet Azady adyndaky TMDDI-niň ösüşiniň esasy ugurlaryny belläp geçdi:
• Sanly tehnologiýalar: Okuw prosesine döwrebap sanly mümkinçilikleriň ornaşdyrylmagy.
•Halkara hyzmatdaşlygy: Akademiki alyş-çalşygy giňeltmek we Kanwon milli uniwersiteti bilen özara düşünişmek baradaky Ähtnamany durmuşa geçirmek.
• Okatmagyň usulyýetleri: Dilleri okatmagyň usulyýetini yzygiderli kämilleşdirilmek we mugallymlaryň hünär derejesini ýokarlandyrmak.
Maslahat bilen bir hatarda giň göwrümli sergi hem guraldy. Sergide türkmen halyçylyk sungatynyň nusgalary, gadymy şaý-sepler we el işleri görkezildi.
Şunuň ýaly daşary ýurtlarda geçirilýän medeni çäreler Türkmenistanyň parahatçylyga we ynanyşmaga çagyryşyny şöhlelendirip, özara bähbitli hyzmatdaşlygyň ösdürilmegine we dünýä ykdysady giňişligi bilen gatnaşyklarynyň giňelmegine oňyn täsir edýär.
ORIENT
