Belet giň gerimli täzelenmäni taýýarlaýar: sport we kino bir platformada birleşdiriler
25.08.2025 | 13:18 |
Belet platformasy soňky ýyllaryň iň uly täzelenmesi bolan 4.0 wersiýasynyň işe giriziljekdigini yglan etdi. Täzelenmäniň esasy aýratynlygy — sport ýaryşlarynyň göni ýaýlymlarynyň peýda bolmagydyr. Ulanyjylar UEFA-nyň Çempionlar ligasy, Premýer liga, La Liga, Bundesliga, şeýle hem UFC, Formula-1, hokkeý, tennis we basketbol ýaly sport ýaryşlaryny göni ýaýlymda tomaşa edip bilerler.
Indi sport we göwün açyjy gepleşikler bir ýerde elýeterli bolar: filmler, teleseriallar, aýdym-sazlar we göni ýaýlymlar bir platformada birleşdiriler.
Muňa ýazylmak ulgamy hem üýtgedilýär: öňki Standard nyrhnamasy saklanyp galar, täze Premium nyrhnamasy peýda bolar — bu sport ýaýlymlaryna elýeterlilik we 50 GB çenli giňeldilen offlaýn-ätiýaçlyk ýady öz içine alýar.
Belet telewizorlar üçin interfeýsini hem täzelär, bu bolsa ulanyjylara has aňsat dolandyryş mümkinçiliklerini berer. Programma diňe Android TV üçin däl-de, eýsem LG TV we Apple TV üçin hem elýeterli bolar. Mundan başga-da, içerki töleg ulgamy işe girizilýär: balansy doldurmak ýeterlik bolar, şondan soň ýazylyş awtomatiki ýagdaýda uzaldylar. Ulanyjylar islendik wagtda nyrhnamasyny togtadyp, täzeden başlap ýa-da üýtgedip bilerler. Belet 4.0 wersiýasynyň ýakyn wagtda çykmagyna garaşylýar.
ORIENT
Foto: orient.tm
Şeýle hem okaň:
22.08.2025
|13:45
22.08.2025
|12:05
