Ýakyn Gündogarda dowam edýän dartgynlylygyň çäginde Türkmenistan halkara ynsanperwerlik tagallalarynda ygtybarly hyzmatdaş hökmünde ornuny tassyklaýar. Türkmenistan ynsanperwer geçelgeleri arkaly Eýrandan gelýän daşary ýurt raýatlarynyň päsgelçiliksiz üstaşyr geçmegini üpjün edýär.

Türkmenistanyň Daşary işler ministrliginiň maglumatlaryna görä, şu güne çenli 52 sany döwlet öz raýatlarynyň Watanyna dolanmagyna ýardam bermek haýyşy bilen Aşgabada ýüz tutdy. Bu utgaşdyrylan tagallalaryň netijesinde 4000 töweregi adam eýýäm öýlerine dolanyp bildi.

Bu uly göwrümli iş, Türkmenistanda akkreditlenen daşary ýurtlaryň diplomatik wekilhanalary bilen ýakyn hyzmatdaşlykda tizden-tiz amala aşyrylýar. Türkmenistanyň şeýle haýyşnamalar çalt jogap bermek we kyn ýagdaýlarda netijeli utgaşdyrmak ukyby oňyn bitaraplyk ýörelgelerine ygrarlydygyny we möhüm ynsanperwerlik kanallary bilen sebitde durnuklaşdyryjy faktor bolmaga taýýardygyny görkezýär.

Biz ozal, Aşgabadyň Halkara howa menzilinde Eýrandan ewakuasiýa edilen raýatlaryň päsgelçiliksiz iberilýändigini habar beripdik.

ORIENT