Türkmenistanyñ ilçihanasy Gyrgyzyñ ýokary okuw mekdebinde umumy sapagy gurady
30.04.2025 | 19:20 |
29-njy aprelde Türkmenistanyñ Bişkekdäki ilçihanasy 2025-nji ýylyñ "Halkara parahatçylyk we ynanyşmak ýyly" diýlip yglan edilmegi hem-de Türkmenistanyñ bitaraplygynyñ 30 ýyllygy mynasybetli I.Arabaýew adyndaky Gyrgyz döwlet uniwersitetinde umumy sapagy geçirdi.
Çärä uniwersitetiñ mugallymlary we talyplary gatnaşdylar.
Umumy sapagyñ barşynda Türkmenistanyñ başlangyjy boýunça BMG-niñ Baş Assambleýasy tarapyndan 2025-nji ýylyñ "Halkara parahatçylyk we ynanyşmak ýyly" diýlip yglan edilendigi, bu hem ählumumy parahatçylygy we durnukly ösüşi üpjün etmekde Türkmenistanyñ tagallalarynyñ subutnamasy bolup durýandygy barada bellenildi.
Şeýle hem, çäräniñ dowamynda Türkmenistanyň Halkara parahatçylyk we ynanyşmak ýylynyň dowamyndaky işleriniň we onuň ileri tutýan ugurlarynyň konsepsiýasyna aýratyn üns berildi.
Konsepsiýada özara ynanyşmak, dialog we jogapkärçilik, Türkmenistanyñ hemişelik bitaraplyk ýörelgelerine hem-de döwletleriñ tagallalarynyñ birleşdirilmegine esaslanan ýurduñ garaýyşlarynyñ beýan edilendigi barada aýratyn nygtaldy.
Çäräniñ çäklerinde Türkmenistan barada wideo şekiller görkezilip, ýurdumyzyñ medeniýetine bagyşlanan sergi guraldy.
ORIENT news
