Biz ýakynlaşmagy ugur edinýäris

23-nji aprelde Türkmenistanyň Kärdeşler arkalaşyklarynyň Milli merkeziniñ, Awiasiýa we aragatnaşyk işgärleriniň KA-nyň Geňeşiniñ we «Türkmenaragatnaşyk» agentliginiň gurnamagynyda Türkmenistanda yglan edilen «Zähmeti goramak sagdyn we howpsuz iş şertleriniň girewidir» atly çäresiniň ýeňijilerini syglaglamak dabarasy geçirildi.

Bir aýyň dowamynda Türkmenistanyñ ähli pudaklary bilen bir hatarda «Türkmenaragatnaşyk» agentliginiň edara-kärhanalarynda geçirilen bu çärä aragatnaşyk pudagynda zähmet çekýän hünärmenler işjeň gatnaşdylar. Dabaranyň dowamynda ýurdumyzda geçirilýän çärelere işjeň gatnaşyp, zähmete we saýlan hünärlerine bolan yhlasy we söýgüsi nazarda tutulyp, «Türkmenaragatnaşyk» agentliginiň garamagyndaky edara-kärhanalarynyň birnäçe hünärmenlerine hormat hatlary we gymmat bahaly sowgatlar gowşuryldy.

Göreldeli zähmet hünärmeni diýlip yglan edilen aragatnaşyk pudagynyň hünärmenleri:

«Türkmenaragatnaşyk» agentliginiň «Türkmenpoçta» poçta aragatnaşyk kompaniýasynyň KA-nyň ilkinji guramasynyň başlygy – Çemen Bozaganowa; 

«Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň «Daşoguztelekom» welaýat elektrik aragatnaşyk kompaniýasynyň Zähmeti goramak we tehniki howpsuzlyk bölüminiň baş hünärmeni – Mährižemal Aýtžanowa.

«Türkmenaragatnaşyk» agentliginiň «Türkmenpoçta» poçta aragatnaşyk kompaniýasynyň neşir ýaýradyjy bölüminiň 2-nji klas sortlaýjysy – Ýaranmuhammet Keljaýew.

ORIENT news

Foto: «Türkmenaragatnaşyk» agentligi tarapyndan berildi