Halkara olimpiýa komiteti (HOK) Fransuz Alplarynda 2030-njy ýylyň gyşky Olimpiýa we Paralimpiýa oýunlaryny geçirmek hakynda şertnama resmi ýagdaýda gol çekdi.

Bu waka Fransiýa üçin dördünji bolar. Respublika ozal 1924-nji ýylda Şamonide, 1968-nji ýylda Grenoblde hem-de 1992-nji ýylda Alberwilde gyşky Olimpiýa oýunlaryny geçirdi.

Şertnama Fransiýanyň hökümetiniň oýunlary guramak üçin zerur bolan döwlet kepilliklerini hödürläninden soň gol çekildi. HOK-yň ýerine ýetiriji direktory Kristof Dýubi oýunlaryň Owern-Rona-Alplar hem-de Prowans-Alplar-Gök kenar ýaly iki sany fransuz sebitinde geçiriljekdigini tassyklady.

Olimpiýa oýunlaryna taýýarlyk işleri eýýäm başlady, Guramaçlyk toparyň we Edgar Grospirony onuň prezidenti hökmünde bellemek ilkinji ädimleriň biri boldy.

2034-nji ýylyň gyşky Olimpiýa we Paralimpiýa oýunlarynyň paýtagty hökmünde Solt Leýk Siti amerikan şäheri tassyklandy.

ORIENT news