Biziň yhlasymyz – adamlary ýakynlaşdyrmak

Habarlar

Makalalar

Media

Anons

Hytaýyň Täze ýyly

Tehnologiýalar

Biz barada

Habarlaşmak üçin

Türkmenistanyň DIM-i resmi saýtyny täzeledi

Türkmenistanyň DIM-nde «CICA»-niň Baş sekretary bilen gepleşikler geçirildi

Türkmenistan Tbiliside Nowruz baýramynyň dabaralaryna gatnaşdy

Türkmenistananyň ynsanperwerlik diplomatiýasy raýatsyzlygy aradan aýyrmakda täze standartlary kesgitleýär

Türkmen wekiliýeti Kazanyň IT hünärmenlerini taýýarlamak boýunça tejribesini öwrenýär

Türkmenistanyň DIM-i resmi saýtyny täzeledi

Türkmenistanyň DIM-nde «CICA»-niň Baş sekretary bilen gepleşikler geçirildi

Türkmenistan Tbiliside Nowruz baýramynyň dabaralaryna gatnaşdy

Türkmenistananyň ynsanperwerlik diplomatiýasy raýatsyzlygy aradan aýyrmakda täze standartlary kesgitleýär

Türkmen wekiliýeti Kazanyň IT hünärmenlerini taýýarlamak boýunça tejribesini öwrenýär

Turkmenistan habarlar

18:30

Aşgabatda «Materiallaryň garşylygy» dersi boýunça V Halkara olimpiada geçirildi

21:13

Türkmenistanyň DIM-i resmi saýtyny täzeledi

20:40

Beýik Britaniýanyň ilçisi we ÝUNISEF-iň wekili Aşgabatda inklýuziw mekdebe baryp gördüler

17:18

Türkmenistanyň DIM-nde «CICA»-niň Baş sekretary bilen gepleşikler geçirildi

17:10

Türkmenistan Tbiliside Nowruz baýramynyň dabaralaryna gatnaşdy

17:01

«Eni Turkmenistan Limited» kompaniýasy MEDEA 2026/2027 maksatnamasyna arzalaryň kabul edişligini yglan edýär

16:58

«International Ltd.» Hytaýyň Milli Nebitgaz Korporasiýasynyň şahamçasy ulag serişdelerini satyn almak boýunça tender yglan edýär

Paýlaşmak:

Halkara nebit we gaz uniwersitetinde Lu Ban ussahanasyny döretmek boýunça iş maslahaty geçirildi

10-11-nji martda Ýagşygeldi Kakaýew adyndaky Halkara nebit we gaz uniwersitetinde Türkmenistanyň Bilim ministrliginiň, Hytaý Halk Respublikasynyň Kommunistik Partiýasynyň Şensi prowinsiýa komitetiniň sekretarynyň orunbasary, Hytaý Halk Respublikasynyň Türkmenistandaky ilçihanasynyň, Hytaýyň CNPC kompaniýasynyň Türkmenistandaky şahamçasynyň, Sian nebit uniwersitetiniň, Hebeý nebit hünär-tehniki uniwersitetiniň, Şensi hünär-tehniki kollejiniň wekiliýetiniň gatnaşmaklarynda Lu Ban ussahanasynyň hünär kämilleşdiriş okuwlarynyň açylyş dabarasy hem-de iş maslahaty geçirildi.

2023-nji ýylda Türkmenistanyň Prezidentiniň Hytaý Halk Respublikasyna amala aşyran döwlet saparynda kabul edilen Türkmenistanyň we HHR-nyň bilelikdäki Beýannamasynda «Lu Ban ussahanasy» taslamasyny amala aşyrmagy ilerletmek baradaky teklip öňe sürülipdi. Şunuň bilen baglylykda, 2024-nji ýylda Hytaý Halk Respublikasynyň Sian şäherinde Ýagşygeldi Kakaýew adyndaky Halkara nebit we gaz uniwersitetiniň, Sian nebit uniwersitetiniň, Hebeý nebit hünär-tehniki uniwersitetiniň, Hytaýyň milli nebitgaz korporasiýasynyň (CNPC) hem-de Hytaýyň bilim ulgamynda halkara alyş-çalyş assosiasiýasynyň arasynda özara düşünişmek hakynda Ähtnama gol çekildi.

Ähtnamada göz öňünde tutulan wezipeleri ýerine ýetirmek maksady bilen Ýagşygeldi Kakaýew adyndaky Halkara nebit we gaz uniwersitetinde geçirilen maslahatyň çäklerinde HHR-nyň wekiliýeti Halkara nebit we gaz uniwersitetiniň gurluşy, okuw binalary, ylmy-barlag we okuw merkezleri, barlaghanalary, uniwersitetde taýýarlanylýan hünärler we ugurlar hem-de alnyp barylýan ylmy-barlag işleri bilen tanyşdyryldy.

Maslahatyň dowamynda Hytaý Halk Respublikasynyň wekiliýeti bilen bilelikde Lu Ban ussahanasynyň taslamasynyň gurluşyk-gurnama işleri, barlaghana enjamlary, şeýle hem “Gazylyp alynýan peýdaly magdanlaryň geologiýasy we gözlegi” hem-de “Maglumat ulgamlary we tehnologiýalary (nebitgaz pudagynda)” bakalawr taýýarlyk ugurlary boýunça uniwersitetiň mugallymlarynyň hünär kämilleşdiriş okuwlarynyň açylyş dabarasy geçirildi we degişli şahadatnamalar gowşuryldy.

Şeýle-de bilelikdäki okuw maksatnamasyna laýyklykda, Sian nebit uniwersitetiniň magistraturasynda okamak üçin 2025-nji ýylda Ýagşygeldi Kakaýew adyndaky Halkara nebit we gaz uniwersitetini tamamlaýan zehinli uçurym talyplary saýlap almak we kabul etmek, dünýäniň sebitlerini we aýry-aýry ýurtlaryny toplumlaýyn öwrenmek boýunça hyzmatdaşlygyň meseleleri hem ara alnyp maslahatlaşyldy.

ORIENT