“Türkmengaz” Döwlet konserni enjamlary we himiki önümleri satyn almak boýunça açyk BÄSLEŞIK yglan etdi Orient

“Türkmengaz” Döwlet konserni enjamlary we himiki önümleri satyn almak boýunça açyk BÄSLEŞIK yglan etdi

16.01.2025 | 13:36 |

“Türkmengaz” Döwlet konserni 2025-nji ýylyň 16-njy ýanwaryndan 26-njy fewralyna çenli zerurlyklary üçin material we tehniki serişdeleri satyn almak boýunça No T/GaZ-01açyk bäsleşik yglan etdi.

Bäsleşigiň çäklerinde aşakdaky lotlar yglan edildi:

Lot № 2 – tehnologiki enjamlar;

Lot № 2 – himiki önümler.

Gatnaşmak isleýänler Aşgabat ş., 1939, Arçabil şaýoly, 56, 13-nji gat, “Türkmengaz” DK salgysy boýunça Gatnaşyjynyň doly adynyň, onuň hukuk derejesiniň, hasaba alnan ýurduň we hasaplaşyk hasaplarynyň görkezilmegi bilen ýazmaça arzalary tabşyrmaly. Offşor zolaklarynda hasaba alnan ýa-da olarda bank hasaplaryna eýe bolan gatnaşyjylaryň arzalary kabul edilmeýär. Şeýle-de olar “Döwlet zerurlyklary üçin harytlar bilen üpjün etmek, işleri ýerine ýetirmek, hyzmatlary etmek boýunça bäsleşikler hakynda” Türkmenistanyň Kanuny, “Tenderi geçirmek düzgünlerinden” göçürmesi we bäsleşige gatnaşmak üçin gerekli resminamalaryň sanawy bilen tanyş bolmaly, lotlaryň görnüşleriniň sanawyny (spesifikasiýa), şertnamanyň tehniki talaparyny we esasy şertlerini almaly, bäsleşige mugt esasda gatnaşmak üçin bir lot üçin 500 (bäş ýüz) amerikan dollar möçberinde ýa-da manat ekwiwalentinde serişdeleriň tölegine hasap almaly.

Töleg möçberi goşmaça gymmada bolan salgydy we bank çykdajylaryny öz içine almaýar.

Bäsleşik teklipleri 2025-nji ýylyň 26-njy fewralyna çenli ýerli wagt boýunça sagat 15:00 çenli kabul edilýär. Bellenen möhletden soň gelen teklipler kabul edilmeýär. Her gatnaşyjy doly bäsleşik teklibini öz içine alýan, mastika möhüri bilen tassyklanan bir sany ýapylan bukjany tabşyrmaly. Bäsleşik bukjasyna: - anketanyň elektron görnüşi, - şertnamanyň esasy şertleri (“Word” görnüşinde), - tehniki-ykdysady görnüşleriniň sanawy - spesifikasiýasy (“Excel” görnüşinde) hökmany ýagdaýda goýulmaly.

Goşmaça maglumatlary http://www.turkmengaz.gov.tm we http://www.oilgas.gov.tm saýtlarynda tapyp bolýar.

Habarlaşmak üçin:

Elektron poçtanyň salgysy: info@turkmengaz.gov.tm, odum@turkmengaz.gov.tm

Telefon belgileri: 40-37-45 (faks),

40-37-39,

40-37-40,

40-37-41,

40-37-42.

ORIENT news