Belarus resmi ýagdaýda BRICS-yň hyzmatdaşy boldy

12.11.2024 | 11:48 |

Belarus resmi ýagdaýda BRICS bileleşiginiň (dokuz döwletleriň bileleşigi: Braziliýa, Russiýa, Hindistan, Hytaý Halk Respublikasy, Günorta Afrika Respublikasy, Birleşen Arap Emirlikleri, Eýran, Müsür, Efiopiýa) hyzmatdaşy boldy. Bu barada respublikanyň Daşary işler ministrliginiň metbugat gullugyna salgylanyp BELTA habar berýär.

Russiýanyň Prezidenti Wladimir Putiniň adyna ýurduň BRICS-a birikmäge taýýardygy baradaky hatyna Belarus Baştutany Aleksandr Lukaşenko gol çekdi.

Daşary işler ministri Maksim Ryženkow resminamany Belarus Respublikasyndaky Russiýa Federasiýasynyň Adatdan daşary we doly ygtyýarly ilçsi Boris Gryzlowa gowşurdy.

Hatynda Aleksandr Lukaşenko BRICS bileleşiginiň dördileninden bäri köptaraply özaragatnaşygy gyşarnyksyz putalandyryp, köptaraplylygyň diňe bir nyşany bolman, eýsem onuň sütünleriniň birine öwrülýändigini belledi. “Özara hormat goýmak we deňlik ruhy, berk oý-pikirli maksatlarynyň özüne çekijiligi BRICS-yň giňelmegine eltýär” – diýip, hatda aýdylýar.

Hyzmatdaş-ýurt derejesi bileleşigiň sammitleriniň ýöriteleşdirilen sessiýalaryna we daşary işler ministrleriň duşuşygyna hemişelik esasda gatnaşmaklaryny göz öňünde tutýar. Şeýle-de hyzmatdaşlaryň ministrlik derejesindäki beýleki çärelerine çagyrylmak mümkinçiligi bar, hususan-da söwda mowzugy boýunça, milli howpsuzlyk boýunça wekilleriň duşuşygy hem-de parlamintarileriň forumy. Hyzmatdaşlar BRICS-yň jemleýji resminamalaryna goşulyşmaga mümkinçiligi bar, munuň bilen olar bileleşigiň geografiýasyny giňeldip, halkara işlerinde onuň sesini güýçlendirip bilýärler.

ORIENT news