Biz ýakynlaşmagy ugur edinýäris

Häzirki wagtda gözellik pudagy hünärmen ýetmezçiligini çekmeýän hem bolsa, müşderiler hemişe öz ugrundan iň oňat hünärmenlere ýüz tutmak isleýärler. Bu ýokary derejäni saklamak üçin bilimleriň yzygiderli täzelenmegi zerurdyr. Aşgabadyň Estel okuw studiýasynyň stilistler topary bu altyn düzgüne eýerýär we Sankt-Peterburgda ESTEL akademiýasy tarapyndan geçirilen saç reňklemek boýunça halkara seminara gatnaşdylar. Merkezi Aziýanyň beýleki iki döwletiniň - Gazagystanyň we Özbegistanyň saç reňkleýjileri hem bu okuwyň «talyplary» boldular.

Hünär endiklerini «ýokarlandyrmak» akademiýanyň mugallymlary tarapyndan geçirildi - bu ýerde saç reňklemegi sungata öwrdiler we gözellik merkeziniň hünärmenleri tarapyndan işlenip düzülen bu ugurdaky köp täzeçil we özboluşly usullary hem tärleri köp ýurtlaryň öňdebaryjy saç reňkleýjileri we studiýalary tarapyndan ulanylýar.

Sankt-Peterburgda nazaryýet tejribe bilen gezekleşdirildi. Ussalar saçyň görnüşini we uzynlygyny göz öňünde tutup, iň çylşyrymly hasaplamalary amala aşyrmagy öwrendiler, iň tebigy netije bilen «melirlemek», «airtaçh», «şatuş» stilinde häzirki zaman reňkleýiş usullaryny özleşdirdiler. Ýeri gelende aýtsak, bu ýyl möwsümiň mosady – tebigylyk.

Okuw tamamlanandan soň, türkmen saç reňkleýjileri ESTEL akademiýasynyň mugallymlaryndan ýokary baha, şeýle hem «Halkara tehnolog kömekçisi» diplomlaryny aldylar we indi tejribelerini ýerli dellekler we saç reňkleýjiler bilen paýlaşyp bilerler. Ýöne bu bilim kursunyň diňe birinji tapgyry. Geljek ýyl Aşgabat studiýasynyň hünärmenleri okuwlaryny dowam etdirmegi we «tehnolog-geňeşçi», ýene bir ýyldan soň bolsa gözellik pudagynyň hünär ugrunda täze gözýetimleri açýan «tehnolog-bilermen» adyny almagy meýilleşdirýärler.

Ussatlar Aşgabat şäherine gelenlerinden soň, şäheriň saç reňkleýjileri üçin hem, welaýat şäherlerine baryp, seminarlar we ussatlyk sapaklary programmasyny taýýarladylar. Okuwlara gatnaşyjylar täze başlanlar, tejribeli we ösen hünärmenlerdir we her kim başarnyklaryny ýokarlandyrmak üçin düýbünden täze we peýdaly bilimleri «alýar».

Aşgabat studiýasynyň topary Sankt-Peterburgdan häzirki wagtda saç reňklemekde ulanylýan iň häzirki zaman çemeleşmeleri «getirdi». Onda tebigylyga üns ýerilýär. Mysal üçin, ussalar indi çal saçlary näzik «ýapýan» özboluşly bir nagyş döredýärler.

«Çal saç mesele däl» atly seminaryň maksatnamasynda hünärmenler çal saçlary dogry örtmek üçin bilmeli beýleki hünär aýratynlyklary barada gürrüň berdiler. Iş ýüzünde bolsa, saç reňkiniň dogry saýlanmagynyň aýal-gyzlary nädip ýaş görkezýändigi we ýüzündäki açyk zülpleriň «prožektor täsirini» döredýändigini we derini oňat ýagtylandyrýandygyny, oňa has täze we sagdyn görünüň berýändigini görkezdiler. Bu «oýun», saçyň ýygnanan görnüşinde-de gowy görkezýär.

2023-nji ýylda tebigy we açyk öwüşginli ýumşak reňkler modada. Bu trendlar gaty ýönekeý hasaplaýanlar üçin «has ýiti» bir zat bar - Estel stilistleri mowzuklaýyn seminarlarynda häzirki zaman reňkleýişiniň iň meşhur we häzirki görnüşlerini hödürleýärler.

Studiýanyň işgärleri özlerini ösdürýärler we tejribelerini kärdeşleri bilen paýlaşmaga we bilimdäki boşluklary doldurmaga hem hakyky suratkeşler ýaly boýag we reňk bilen dogry işlemegi öwrenmäge çagyrýarlar.

Gulýa Geldiýewa

Foto: Estel okuw studiýasy