Ýewropa parlamentiniň Strasburgdaky ugurdaş komitetinde emeli intellekt üçin düzgünleriň ilkiji ýygyndysy tassyklanyldy, ol adamlar gatnaşmazdan kompýuter torlary tarapyndan ýüzleriň tanalmagyny gadagan edýär.
Türkmen agyr atletikaçysy Enemjan Rustamowa Çindžouda (Koreýa Respublikasy) geçýän Aziýanyň çempionatynda bürünç medal gazandy.
Aýrylandan 12 ýyl geçenden soňra äpet olimpiýa halkalary häzirki zaman ilkinji Olimpiýa oýunlary geçen Afinydaky «Panatinaikos» stadionyna gaýdyp geldiler. Olar ýene-de sport toplumynyň esasy girelgesiniň aňrybaşdaky çetinde oturdyldy.
Türkmenistan ýaşyl tehnologiýalar babatynda halkara hyzmatdaşlygyny giňeltmäge taýýar we atmosfera, hususan-da metana parnik gazlarynyň zyňyndylaryny azaltmak üçin amaly çäreleri görýär. Şeýle hem, ýurdumyz wodorod energiýasyny ösdürmegi we bu ugurda işjeň hyzmatdaşlygy maksat edinýär. Bu meseleler 11-nji maý, penşenbe güni Türkmenistanyň Daşary işler ministrliginde durnukly ösüş maksady bilen “ýaşyl” ykdysadyýeti ösdürmäge we Türkmenistanda sanly özgertmelere bagyşlanyp geçirilen tegelek stoluň dowamynda ara alnyp maslahatlaşyldy.
Gadymy Wolokolamsk şäherinde Merkezi Aziýada esaslandyrylan Panfilowyň 8-nji Gyzyl baýdak gwardiýa diwiziýasynyň gahrymanlarynyň görkezen edermenliginiň hatyrasyna açylan musulman ruhy we bilim merkezine Memorial derejesi berildi. Bu barada Russiýanyň metbugaty Wolokolamskyň dolandyryş merkeziniň metbugat gullugyna salgylmak bilen, habar berýär.
Türkmeniň Prezidenti Serdar Berdimuhamedow penşenbe güni Duşanbe sapary wagtynda Täjigistanyň premýer-ministri Kohir Rasulzoda bilen duşuşdy. Gepleşikleriň mowzugy, bir gün öň ýokary derejede birnäçe ugurda gazanylan türkmen-täjik şertnamalary boldy. Şol sanda ulag hyzmatdaşlygyna-da aýratyn üns berildi.
Penşenbe güni Türkmenistanyň Daşary işler ministriniň wezipe borçlaryny wagtlaýyn ýerine ýetiriji W.Hajiýew bilen ABŞ-nyň Halkara ösüş agentliginiň (USAID) Aziýa býurosynyň Dolandyryjysynyň kömekçisiniň orunbasary Anjali Kaur sebit we milli taslamalary öňe sürmekde Türkmenistanyň USAID bilen hyzmatdaşlygynyň häzirki ýagdaýyny we geljekki mümkinçiliklerini ara alnyp maslahatlaşdylar. Kaur Aşgabada iş sapary bilen geldi – diýlip, Türkmenistanyň Daşary işler ministrliginiň saýtynda habar berilýär.
Türkmenistanyň BMG-daky hemişelik wekilhanasy 10-njy maýda wirtual formatda Dostlar toparynyň Durnukly ulag boýunça üçünji mejlisini geçirdi.
Parižiň Olimpiýa obasyndaky naharhanasynyň nahar sanawynda dürli tagamlaryň 500-den gowragy bolar, olaryň her biri aýratyn berhizleri, iýmit endiklerini we dini ynançlary göz öňünde tutmak bilen işlenip düzüldi – diýlip, Inside the Games portalynda ýerleşdirilen habarda bellenilýär.
23-24-nji oktýabr aralygynda ABŞ-nyň Nýu-Meksiko ştatynyň iň uly şäheri bolan Albukerkede Türkmenistanyň Medeniýet günleri geçiriler. Medeni çäräniň guramaçylyk meseleleri penşenbe güni Türkmenistanyň Daşary işler ministrliginiň Halkara gatnaşyklar institutynyň we ABŞ-nyň günorta-günbatarynda ýerleşýän Nýu-Meksiko uniwersitetiniň wekilleriniň gatnaşmagynda geçirilen wideo maslahatyň barşynda ara alnyp maslahatlaşyldy.
Türkmenistan Owganystana 125 tonna ynsanperwer ýüküni — derman we lukmançylyk serişdeleri, şeýle hem azyk we dokma önümlerini ugratdy. Ynsanperwer kömegi Türkmenistanyň Prezidenti Serdar Berdimuhamedowyň degişli buýrugyna laýyklykda ugradyldy – diýip, Türkmenistanyň DIM-niň metbugat gullugy habar berýär.
Kaliforniýada, ABŞ-da işläp düzüjiler üçin her ýylky geçirilýän maslahatda Google korporasiýasy özüniň ilkinji eplenýän Pixel Fold smartfonyny hödürledi. Bu barada kompaniýanyň blogy habar berýär.
Türkmenistanyň Ermenistandaky ilçisi Muhammetdgeldi Aýazow Ermenistan Respublikasynyň Söwda-senagat edarasynyň ýerine ýetiriji direktory Andranik Aleksanýan bilen duşuşdy – diýip, Türkmenistanyň DIM-niň saýty habar berýär.
Ýagşygeldi Kakaýew adyndaky Halkara nebit we gaz uniwersitetiniň Balkanabatdaky şahamçasynda «Näme? Nirede? Haçan?» oýnunyň sport wersiýasynyň ýaryşy boldy. Ony Ýewropa Birleşiginiň Türkmenistandaky wekilhanasynyň birinji maslahatçysy Renata Wrubeliň deňizýaka sebitine saparynyň çäklerinde Türkmenistan bilen ÝB-niň arasyndaky diplomatik gatnaşyklaryň ýola goýulmagynyň 30 ýyllygy mynasybetli guradylar.
«Demirýollary» açyk görnüşli paýdarlar jemgyýetiniň wekilleri we IBA Group Halkara holdingi IT-tehnologiýalar we hünärmenleri okatmak babatynda hyzmatdaşlygy ösdürmegi ylalaşdylar. Aşgabatda geçen ITTC-2023 ulag maslahatynyň meýdançasynda taraplar hyzmatdaşlyk etmek hakynda degişli ähtnama gol çekdiler.
