Astana halkara forumy - AIF 2023 8-9-njy iýunda Gazagystanyň paýtagtynda Prezident Kasym-Jomart Tokaýewiň howandarlygynda geçiriler. 40 panele we ugurdaş çärelere onlarça halkara spiker we moderator gatnaşar. Forumyň iň esasy temasy - Merkezi Aziýa we onuň täze kynçylyklaryň öňünde dünýä arenasyndaky orny.
Halkara Söwda Merkezi, Ýewropa Bileleşiginiň goldawy bilen Merkezi Aziýanyň bäş ýurdundan kiçi telekeçilerine we senetçilerine NOVICA elektron söwda bazarynda önümlerini satmaga kömek edýär. Sanly bazar Gazagystanly, Gyrgyzystanly, Täjigistanly, Türkmenistanly we Özbegistanly el işi senetçileriniň halkara müşderilerine gönükdirilen täze satuw ýollaryna girmäge mümkinçilik döreder.
Türkmenistanyň we Eýranyň deňiz we guryýer portlarynda infrastrukturanyň gurluşygyna maýa goýmak pikiri penşenbe güni Moskwada Ýewraziýa Ykdysady Bileleşiginiň Ýokary geňeşiniň mejlisinde Gazagystanyň Prezidenti Kasym-Jomart Tokaýewiň eden çykyşynda teklip edildi. Bilelikdäki maýa goýumlary Ýewraziýa Ykdysady Bileleşigine (EAEU) agza ýurtlaryň eksport geografiýasyny ep-esli giňelder we guramanyň agza ýurtlarynyň maddy-tehniki mümkinçiliklerini güýçlendirer – diýip, gazak lideri aýtdy. Bu barada Akordanyň resmi Telegram kanaly habar berýär.
Penşenbe güni, 25-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $1,3 mln amerikan dollaryna we 3,1 müň türkmen manadyna deň bolan 4 geleşik baglaşyldy – diýip, ORIENT-iň habarçysy habar berýär.
Russiýanyň Federal Ýygnagynyň Federasiýalar Geňeşiniň başlygy Walentina Matwiýenko Türkmenistanyň Mejlisiniň başlygy Dünýägözel Gulmanowa bilen duşuşykda Türkmenistan bilen Russiýanyň arasynda täze ikitaraplaýyn parlamentara ylalaşygyna gol çekmegi teklip etdi. Bu barada Federasiýalar Geňeşiniň resmi saýty habar berýär.
2050-nji ýyla çenli zyňylmalaryň nol derejesini gazanmak boýunça başlangyjyň çäklerinde BAE-de galyndylary gaýtadan işlemek boýunça ilkinji doly elektrikleşdirilen ýük ulaglaryny görkezdiler. Olar Renault Trucks Middle East we Al Masaood kompaniýalarynyň hyzmatdaşlygynyň netijesinde öndürildi we Abu-Dabide ulanylar.
Hytaýyň demirgazyk-günbataryndaky Sinsýan uýgur awtonom sebitiniň paýtagty Urumçi bilen Owganystanyň paýtagty Kabulyň arasynda yzygiderli uçuşlar dikeldildi.
Birleşen Milletler Guramasynyň Owganystana ýardam missiýasynyň (UNAMA) başlygy Roza Otunbaýewa «Merkezi Aziýa - Ýewropa Bileleşigi» görnüşindäki Owganystan üçin ýörite wekilleriň duşuşygyna gatnaşmak üçin Aşgabat şäherine iş sapary bilen geldi.
Stambul UEFA-nyň çempionlarynyň Ligasynyň «Mançester Siti» bilen «Inter» toparlarynyň arasyndaky final oýnuň başlanjak wagtynyň hasabyny ýöredýär, ol 10-njy iýunda Atatürk adyndaky olimpiýa stadionynda geçiriler.
Russiýa, Gazagystan we Özbegistan «üç taraplaýyn gaz birleşiginiň» çäklerindäki taslamalary ara alyp maslahatlaşmagy dowam etdirýärler – diýip, Russiýanyň energetika ministri Nikolaý Şulgine salgylanyp, TASS habar berýär. Taslama Russiýanyň gazynyň bu ýurtlaryň çägi bilen iberilmegini göz öňünde tutýar.
Russiýanyň prezidenti Wladimir Putin Ýewraziýa ykdysady birleşiginiň ýurtlaryna «ÝAYB-de öndürildi» nyşany bilen bilelikdäki önümçilikleri döredip, senagat kooperasiýasyny ösdürmegi teklip etdi – diýip, guramanyň agza-döwletleriniň baştutanlarynyň duşuşygynyň jemleri boýunça «Wedomosti» habar berýär.
Ýüklenen tekstleriň hiç ýerden alynmandygyny barlaýan Russiýanyň «Antiplagiat» programmasy indi dünýäniň 100 dilinde elýeterlidir. Mundan başga-da, Milli tehnologiki başlangyçlar taslamalaryna goldaw bermek Gaznasynda belleýişleri ýaly, indi programma diňe bir tekstleri işlemän, eýsem onuň manysyny hem işlär - diýip, TASS habar berýär.
Aşgabat Merkezi Aziýa ýurtlarynyň we Ýewropa Bileleşiginiň Owganystan üçin ýörite wekilleriniň ýygnanýan ýerine öwrüldi. Oňa gatnaşmak üçin ÝB-ň, Gazagystanyň, Gyrgyzystanyň, Täjigistanyň we Özbegistanyň wekilleri türkmen paýtagtyna geldiler.
Hytaý söwda we ykdysady hyzmatdaşlygy güýçlendirmek ugrundaky tagallalaryň arasynda Merkezi Aziýadan has ýokary hilli önümleriň öz bazaryna girmegini makullaýar diýip, penşenbe güni Hytaýyň Söwda ministrligi beýan edendigini Sinhua agentligi habar berýär.
Türkmenistan 2022-nji ýylda Azerbaýjana uçar kerosininiň 36,3 müň tonnasyny ABŞ-nyň 39,2 mln dollaryna eksport etdi, bu bolsa 2021-nji ýyldaka garanyňda, 4,2 esse köpdür. Bu barada Azerbaýjanyň Trend agentligi habar berýär.
