TDHÇB-daky söwdalaşyklar: nebit ýol bitumynyň 2 müň tonnasy eksport edildi
Şenbe güni, 24-nji iýunda Türkmenistanyň Döwlet haryt-çig mal biržasyndaky söwdalaşyklarda bahasy $1 mln amerikan dollaryndan gowrak möçberde 4 geleşik baglaşyldy – diýip, ORIENT-iň habarçysy habar berýär.
Türkiýeden gelen işewür söwdalaşyklaryň barşynda BND 60/90 kysymly nebit ýol bitumynyň 2 müň tonnasyny satyn aldy, önümiň her tonnasyna $240 amerikan dollary baha berildi. Geleşihgiň jemi bahasy $480 müň amerikan dollaryndan geçdi.
Gyrgyzstandan gelen kompaniýa ýorgan-düşek daşlyklaryň 10 müň toplumyny $75 müň amerikan dollaryna satyn aldy. Gyrgyzstanyň işewür toparlarynyň başga bir wekili flanel matanyň 150 müň inedördül metrini $34 müň amerikan dollaryna satyn aldy.
Türkiýeden gelen telekeçiler nah ýüplüginiň dürli görnüşleriniň 220 müň kg-ny $463,1 müň amerikan dollaryna satyn aldylar.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
