Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň alymlary arap dilinde ýazylan kitaplary, şol sanda, Ebil Ferej Muhammet en-Nediminiň “El-Fihrist (Teswir)” atly eseri we Ibn Hajar Askalanynyň “Ed-Dürerül-Kämine” atly eseriniň II jildini türkmen diline terjime edýärler. Bu barada “Türkmenistan” gazeti habar berýär.
Ýylyň başyndan bäri ýurdumyzyň Balkan welaýatyndaky senagat önümçiligi geçen ýylyň degişli döwründäkiden 2 göterim ösdi. Geçen döwürde ýurdumyzyň günbatar sebitindäki kärhanalar tarapyndan 10 milliard manatdan gowrak senagat önümleri öndürildi diýip, “Türkmenistan” gazeti habar berýär.
30-njy iýul – 1-nji awgust aralygynda Hytaý Halk Respublikasynyň Kommunistik partiýasynyň Merkezi komitetiniň agzasy, partiýanyň Sinhaý welaýat komitetiniň sekretary Çen Ganyň ýolbaşçylygyndaky wekiliýet agzalary ýurdumyzyň Demokratik, Agrar we Senagatçylar we telekeçiler partiýalarynyň ýolbaşçylary bilen gepleşikleri geçirdiler. Bu barada ýurdumyzyň resmi metbugaty habar berýär.
Aziýanyň ösüş banky we Ýaponiýanyň hökümeti bankyň hyzmatdaş-ýurtlarynyň raýatlaryna, şol sanda Türkmenistanyň raýatlaryna stipendiýa hödürleýärler. Ol Ýuwaş ummany sebitiniň ýokary okuw jaýlarynda öz bilimini dowam etdirmek, şol sanda magistraturada we aspiranturada okamak isleýän talyplar üçin elýeterdir
Owganystan boýunça Moskwa formtdaky täze duşuşyk 29-njy sentýabrda Kazanda geçiriler. Bu barada Russiýa Federasiýasynyň Prezidentiniň Owganystan boýunça ýörite wekili, Daşary işler ministrliginiň Aziýanyň ikinji bölüminiň müdiri Zamir Kabulow TASS-a habar berdi.
Hormatly Prezidentimiz Serdar Berdimuhamedow Pakistan Yslam Respublikasynyň Prezidenti Arif Alwä we Premýer-ministri Mian Muhammad Şahbaz Şarife ýurduň Bajaur etrabynyň Kar şäherinde bolup geçen partlamanyň köp sanly adam pidalaryna we şikes ýetmelere getirmegi zerarly gynanç hatyny iberdi.
Türkmenistanyň Bedenterbiýe we sport boýunça döwlet komiteti, Halkara Göreş assosiasiýasy bilen bilelikde 2023-nji ýylyň 23-28-nji noýabrynda Aşgabatda göreş boýunça dünýä çempionatyny geçirer. Degişli karara Prezidentimiz Serdar Berdimuhamedow gol çekdi.
Prezidentimiz Serdar Berdimuhamedow karary bilen birnäçe möhüm halkara resminamalaryny tassyklady we şeýlelikde olar kanuny taýdan güýje eýe boldy.
Prezidentimiz Serdar Berdimuhamedow öz Permany bilen Şadurdy Meredowy başga işe geçmegi bilen baglanyşykly Gyrgyzystan Respublikasynda (Bişkek şäheri) Türkmenistanyň adatdan daşary we doly ygtyýarly ilçisi wezipesinden boşatdy. Bu barada türkmen döwlet radiosynyň we telewideniýesiniň agşamky habarlarynda aýdyldy.
Türkmenistanistanyň Fransuz institutynyň administrasiýasy 1-nji awgustdan 28-nji awgust aralygynda TFI-yň işgärleriniň tomusky dynç alyşa gitmegi sebäpli merkezde derleriň bolmajagyny habar berýär. Fransuz diliniň güýz sessiýasy 2023-nji ýylyň 18-nji sentýabrynda başlar.
Duşenbe güni, Türkmenistanda adam söwdasyna garşy Bütindünýä günini habarlylygy artdyrmak konserti bilen bellendi. Bu çäre, USAID tarapyndan maliýeleşdirilýän we UNODC, Türkiýäniň ilçihanasy, «Ýeňme» jemgyýetçilik guramasy we milli hyzmatdaşlarymyzyň goldawy bilen «Merkezi Aziýada Howpsuz Migrasiýa» maksatnamasynyň çäginde gurnaldy.
Aşgabatda FIFA-nyň Malaýziýaly tälimçisi Mohamad Rodzaliniň ýolbaşçylygynda türkmen futbol eminleri üçin okuw seminarlarynyň başlandygyny aýtdy diýip, ýurdumyzyň Futbol federasiýasynyň resmi saýty habar berýär.
Hytaýyň Şençžen sebitiniň häkimiýeti “Huawei HarmonyOS” we “EulerOS” kompaniýalarynyň döreden operasion ulgamlaryny işjeň ulanyşa girizjekdigini mälim etdi. Oňa laýyklykda, 2025-nji ýyla çenli ýerli edaralaryň ählisi diýen ýaly bu kompaniýalaryň döreden operasion ulgamlaryny ulanar diýip, “South China Morning Post” habar berýär.
Myrat Garryýew adyndaky Döwlet lukmançylyk uniwersitetiniň Ylmy-barlag merkeziniň alymlar topary görejiň peselmegine, kähalatda bolsa ýitmegine getirýän göz keselini, iriňli keratiti bejermegiň täze usulyny ulanmagyň mümkindigini synag arkaly subut etdi. Tejribäniň gidişi we netijeleri “Türkmenistanyň lukmançylygy” žurnalynda çap edilen ylmy işde beýan edildi.
Türkmenistan bilen Özbegistanyň arasyndaky haryt dolanyşygy 2023-nji ýylyň birinji ýarymynda geçen ýylyň degişli döwri bilen deňeşdireniňde 4,7% artyp, $438 mln-a ýetdi. Bu görkeziji boýunça Türkmenistan Özbegistanyň GDA ýurtlarynyň arasyndaky iri söwda hyzmatdaşlarynyň reýtinginde Russiýadan, Gazagystandan we Gyrgyzstandan soňra dördünji ýeri eýeleýär.
