Döwletmämmet Azady adyndaky Türkmen milli dünýä dilleri institutynda ýapon dilini öwrenmek üçin okuw otaglary açyldy. Bu otaglar Ýaponiýanyň Hökümetiniň taslamasy esasynda döwrebaplaşdyryldy.
Penşenbe güni, irden Prezident Serdar Berdimuhamedow Merkezi Aziýa döwletleriniň Baştutanlarynyň bäşinji Konsultatiw duşuşygyna hem-de Araly halas etmegiň Halkara gaznasyny esaslandyryjy döwletleriň Baştutanlarynyň Geňeşiniň mejlisine gatnaşmak üçin Täjigistan Respublikasynyň paýtagty Duşenbä iş sapary bilen bardy.
“Balkan” gämigurluşyk we abatlaýyş zawody we Koreýa Respublikasynyň “Koryo Shipbuilding” (KSIT) kompaniýasy ýük göterijiligi 6100 tonna bolan 2 sany gury ýük gämisini bilelikde gurmak hakynda şertnama baglaşdylar.
“Türkmenistan” awiakompaniýasy” açyk görnüşli paýdarlar jemgyýeti dalaşgärleri öňünden saýlap seçmek bilen, dowamlylygy 3 aý bolan uçarbeletleriň başlangyç okuwyna kabul edilşigi yglan edýär.
Türkmenistanyň halkalaýyn energetika ulgamynyň möhüm bölegi bolan Balkan – Daşoguz we Ahal – Mary ugurlary boýunça gurluşyk-gurnama işlerini 2023-nji ýylyň ahyryna çenli tamamlamak meýilleşdirilýär.
Daşoguz welaýatynyň suw akabalaryny we desgalaryny arassalamga niýetlenen ekskwatorlaryň 20-si gelip gowuşdy. Täze tehnikalar Suw hojalygy baradaky döwlet komitetiniň welaýat bölümine berildi.
“Hatyra” kitabynyň IV jildiniň täze neşiri Lebap welaýatynyň esgerlerine bagyşlanýar. Şeýlelikde, bar bolan maglumatlara görä, Beýik Watançylyk urşunda ýurdumyzyň gündogar sebitinden 21 müň 86 adam Watan ugrundaky söweşlerde gurban bolupdyr we dereksiz ýitipdir.
Aşgabatdaky Fransuz instituty paýtagtymyzyň raýatlaryny we myhmanlaryny küşt agşamlaryna çagyrýar. Küşt söýüjiler üçin duşuşyklar her penşenbe güni sagat 19: 00-da tölegsiz geçiriler.
Çarşenbe güni, Duşanbe şäherinde Merkezi Aziýa ýurtlarynyň ýokary okuw mekdepleriniň rektorlarynyň ikinji forumy işe başlady. Duşuşyk 14-15-nji sentýabr aralygynda Täjigistanyň paýtagtynda geçiriljek Merkezi Aziýa ýurtlarynyň ýolbaşçylarynyň bäşinji konsultatiw geňeşiniň çäginde geçirilýär. Bu barada Täjigistanyň Bilim ministrliginiň saýtynda habar berildi.
Ýaponiýanyň Hökümeti Aral ýakasynda oba hojalygyny ösdürmek üçin 2 million dollar möçberde serişde goýberdi. BMG-niň Ösüş maksatnamasy sebitiň ilatynyň ýaşaýyş-durmuş derejesini ýokarlandyrmaga gönükdirilen taslama girişdi.
Beýik Britaniýada "Chevening" maksatnamasy esasynda magistratura bilim derejesi boýunça okamak isleýän türkmenistanlylaryň resminamalary kabul edilip başlandy. Ýurduň iň abraýaly ýokary okuw mekdeplerinde talyp hakly okamak mümkinçiligini döredýän okuwlara dalaşgärleriň resminamalary 7-nji noýabra çenli kabul ediler.
Kosmiki enjamlaryň uçurylýan merkezi Baýkonurda "Soýuz-2.1a" raketa göterijisinde halkara ekipaž düzümini Arşa ugratmak boýunça taýýarlyk işleri tamamlandy. Ekipaž düzümi "Soýuz MS-24" Arş gämisinde ertir - 15-nji sentýabrda, Aşgabat wagty bilen sagat 20:44-de uçurylar.
Duşenbede, Täjigistan Respublikasynyň Daşary işler ministri Sirojiddin Muhriddiniň ýolbaşçylygynda çarşenbe güni Merkezi Aziýa döwletleriniň Daşary işler ministrleriniň duşuşygy geçirildi. Daşary işler edaralarynyň ýolbaşçylary Merkezi Aziýa döwletleriniň Baştutanlarynyň bäşinji konsultatiw duşuşygynyň gün tertibiniň taslamasy we soňky resminamalarynyň sanawy barada pikir alyşdylar we ylalaşdylar diýip, Täjigistanyň Daşary işler ministrliginiň habar berýär.
Bişkek şäherinde geçirilýän Garaşsyz Döwletleriň Arkalaşygyna girýän döwletleriň Döredijilik we ylmy intelligensiýasynyň 16-njy forumynyň açylyşy mynasybetli gala-konserti geçirildi. Onda Arkalaşyga agza ýurtlaryň ýaşlar simfoniki orkestriniň düzüminde Resul Gylyjowyň ýolbaşçylygynda ýurdumyzdan 7 sazanda hem çykyş edýär.
12-16-njy sentýabr aralygynda Aşgabatda Türkmenistanyň Futbol federasiýasy tarapyndan gurnalan futzal eminleri üçin FIFA seminary geçirilýär. Seminaryň maksady eminleriň hünär derejesini, beden taýdan sagdynlygyny we hilini ýokarlandyrmakdyr.
