Birleşen Milletler Guramasynyň Baş Assambleýasynyň 78-nji mejlisine gatnaşmak maksady bilen, Nýu-Ýorkda iş sapary bilen bolýan Prezident Serdar Berdimuhamedow 18-nji sentýabrda, ýerli wagt bilen günüň ikinji ýarymynda BMG-niň Baş sekretary Antoniu Guterriş bilen duşuşdy.
Türkmenistanyň ilçisi Atajan Möwlamow Pakistanyň milli miras we medeniýet federal ministriniň wezipesini ýerine ýetiriji Jamal Şah bilen 18-nji sentýabrda duşuşdy.
Türkmenistanyň Mejlisiniň başlygy Dünyägözel Gulmanowa duşenbe güni Seula eden saparynda Koreýa Respublikasynyň premýer-ministri Han Dok Su bilen duşuşdy.
Sankt-Peterburgyň Döwlet Ermitažynda seýrek duş gelýän eksponatlaryň ellenip bolýan nusgalary görkezildi. Muzeýe gelýänler indi dünýä meşhur eserleriniň nusgalaryna ellerini degirip bilerler diýip, «MIR 24»-iň habar berýär.
Türkmen kinomatografistleri Gündogaryň beýik şahyry Magtymguly Pyragy hakda dokumental filmi surata düşürmegi dowam etdirmek üçin Eýrana geldiler. «Türkmenfilm» birleşiginiň film toparlary eýýäm Russiýada (Astrahan we Moskwa), Azerbaýjanda we Türkiýede geljek film üçin zerur materiallary surata düşürdiler. Film indiki ýyl şahyryň doglan gününiň 300 ýyllygyna ekranlara çykar.
Türkmenistanyň Alp Arslan adyndaky milli drama teatry, «Magtymguly Pyragy» eseri bilen Gazagystanyň Halk artisti Biken Rimowanyň 100 ýyllygyna bagyşlanan I «Biken» halkara teatr festiwalyna gatnaşar.
Geçen 8 aýda dürli görnüşli ýükleriň 1 million 509 müň tonnasy daşaldy. Daşalan konteýner ýükleriň möçberi 2,6 esse ýokarlanyp, jemi 2 773 konteýner birligine barabar boldy.
Türkmenistanda ýurdumyzyň suw hojalyk toplumynda zähmet çekýän hünärmenler üçin üç günlük seminarlaryň täze tapgyry başlandy. Okuwyň esasy maksady, daşky gurşaw meseleleri boýunça hünärmenleriň esasy bilimlerini “ýokarlandyrmak”, ýagny howanyň üýtgemeginiň suw baýlyklaryna sebit we milli derejede täsirini göz öňünde tutmakdyr. Şeýle hem, okuw maksatnamasynda hünärmenler Türkmenistanyň ykdysadyýetiniň dürli pudaklaryna suw üpjünçiligi üçin uýgunlaşma çärelerini dogry we wagtynda ulanmak endiklerini öwrenerler.
Döwlet hyzmatlarynyň bitewi portalynda 490-dan gowrak onlaýn hyzmat elýeterlidir. Türkmenistanlylar portalda aragatnaşyk, bilim, saglygy goraýyş, ulag we logistika, mahabat, jemagat, pasporty resmileşdirmek, iş üpjünçilik, rugsatnama almak we başga-da köp sanly hyzmatlary peýdalanyp bilerler.
Hepdäniň birinji ýarymynda paýtagtda howa +23 gradus töwereginde bolup, ikinji ýarymda +21 gradusa çenli peseler. Gijelerine howa +18 - +15 gardus aralygynda üýtgär.
Oguz han adyndaky “Türkmenfilm” birleşiginiň müdiri Sahysalyh Baýramow ýakyn günlerde Özbegistanda we Azerbaýjanda geçiriljek iki sany halkara film festiwalynyň emin agzalarynyň hataryna goşuldy.
Duşenbe güni, 18-nji sentýabrda “Ahal” (Türkmenistan) we “Al-Feýha” (Saud Arabystany) futbol klublarynyň arasynda AFK Çempionlar ligasynyň toparçasynyň birinji tapgyrynyň öňüsyrasynda Aşgabatda metbugat ýygnagy geçirildi. Žurnalistler bilen duşuşykda Ahalyň tälimçisi Welsähet Öwezow we toparyň kapitany Elman Tagaýew çykyş etdi.
Duşenbe güni, 18-nji sentýabrda “Ahal” (Türkmenistan) we “Al-Feýha” (Saud Arabystany) futbol klublarynyň arasynda AFK Çempionlar ligasynyň toparçasynyň birinji tapgyrynyň birinji oýnunyň öňüsyrasynda Aşgabatda metbugat duşuşygy geçirildi. Žurnalistler bilen geçirilen duşuşyga iki toparyň baş tälimçileri we kapitanlary, şeýle hem ýaryşy guramak boýunça komitetiň wekilleri gatnaşdylar.
Mejlisiň Başlygy Dünýägözel Gulmanowanyň ýolbaşçylygyndaky parlament wekiliýeti Merkezi Aziýa döwletleriniň we Koreýa Respublikasynyň parlamentara forumyna gatnaşmak üçin Seul şäherine ugrady. Türkmen wekiliýeti Koreýa Respublikasynda 20-nji sentýabra çenli iş saparynda bolar.
Türkmenistanda häzirki wagtda internet ulanyjylaryň sany 3 million 127,5 müňden gowrakdyr. Bu barada "Türkmenaragatnaşyk" agentligi mälim edýär.
