Türkmenistanyň parlamenti Seul şäherine iş saparyna ugrady
Mejlisiň Başlygy Dünýägözel Gulmanowanyň ýolbaşçylygyndaky parlament wekiliýeti Merkezi Aziýa döwletleriniň we Koreýa Respublikasynyň parlamentara forumyna gatnaşmak üçin Seul şäherine ugrady. Türkmen wekiliýeti Koreýa Respublikasynda 20-nji sentýabra çenli iş saparynda bolar.
Degişli Buýruga Prezident Serdar Berdimuhamedow 17-nji sentýabrda gol çekdi.
Merkezi Aziýa döwletleriniň we Koreýa Respublikasynyň parlamentara forumy 2017-nji ýylda bu ugurda halkara hyzmatdaşlygyny ösdürmek maksady bilen esaslandyryldy. Forumyň maksady sebit howpsuzlygy, ykdysady ösüş, medeni we ynsanperwer hyzmatdaşlyk babatda özara tejribeleri we pikirleri alyşmakdan ybaratdyr.
Merkezi Aziýa döwletleriniň we Koreýa Respublikasynyň daşary işler ministrleriniň derejesindäki hyzmatdaşlyk forumy, Bilermenler derejesindäki hyzmatdaşlyk forumy şeýle hem, Hyzmatdaşlyk forumynyň sekretariaty hem hereket edýär. Bu forumlar dürli ugurlarda özara gatnaşyklary ösdürmäge ýardam berýär.
ORIENT news
