Sişenbe güni Russiýa Federasiýasynyň Tatarystan Respublikasynyň Baştutany Rustam Minnihanow iki günlük sapar bilen Türkmenistana geldi. Ol Türkmenistanyň Garaşsyzlyk güni mynasybetli dabaralara gatnaşar.
Sişenbe güni, Prezidentimiz Serdar Berdimuhamedow Garaşsyzlyk gününi bellemek üçin Türkmenistana gelen daşary ýurt işewür toparlarynyň wekilleri bilen birnäçe duşuşyk geçirdi.
1-nji oktýabrda Aşgabatda Tükmenistanyň Küşt federasiýasynyň Kubogy ugrunda ýaryşa badalga berler. Oňa gatnaşmaga eýýäm ýurdumyzyň sebitlerinden 90 töweregi adam hasaba alyndy.
Prezidentimiz Serdar Berdimuhamedow Ýewropa Bileleşiginiň Türkmenistandaky täze ilçisi Beata Peksany kabul etdi. Ol döwlet Baştutanymyza ynanç hatyny gowşurdy we Ýewropa Geňeşiniň başlygy Şarl Mişeliň we Ýewropa Komissiýasynyň Başlygy Ursula fon der Lýaýeniň iberen mähirli salamyny ýetirdi. Şeýle hem, ilçi Prezidentimizi Türkmenistanyň Garaşsyzlygynyň 32 ýyllygy bilen gutlady.
Ankaradaky Türkmen ilçihanasy EkoAvrasiya gaznasy bilen bilelikde Türkmenistanyň Garaşsyzlygynyň 32 ýyllygyna bagyşlanan halkara konferensiýa gurady. Çäre 26-njy sentýabrda Türkiýe Respublikasynyň Prezidentiniň köşk toplumynda ýerleşýän Prezident kitaphanasynyň binasynda geçirildi.
«Merkezi Aziýa + Ýaponiýa» dialogynyň çäginde döredilen ministrleriň ykdysady we energetika dialogynyň ilkinji mejlisi çarşenbe güni Tokioda gibrid görnüşde geçirildi. Duşuşykda Türkmenistana «Türkmengaz» döwlet konserniniň başlygy, döwlet ministri Maksat Babaýew wekilçilik etdi.
26-njy sentýabrda Türkmenistanyň daşary işler ministri Raşid Meredow Aşgabada sapar bilen gelen Bütindünýä gümrük guramasynyň (WCO) Baş sekretary Kunio Mikuriýa bilen gepleşik geçirdi. Bu barada Türkmenistanyň Daşary işler ministrliginiň metbugat gullugy habar berýär.
Şaý-sepler, esbaplar, içerki önümler, kosmetologiýa we «нandmade» (el önümleri) bellikli has gyzykly we özboluşly önümler çarşenbe güni paýtagtyň “Berkarar” söwda merkezinde Aşgabatda açylan sergide görkeziler. Ýurdumyzyň Garaşsyzlyk gününe bagyşlanan sergi türkmen paýtagtynda 26-njy sentýabrdan 28-nji sentýabr aralygynda üç gün geçiriler (13:00-22:00).
ÝUNISEF-iň we Türkmenistanyň Bilim ministrliginiň metbugat beýanatyna görä, bu guramaçylaryň goldawy bilen Aşgabatda ilkinji bilim robot ýaryşlary geçirildi. Ýurduň dürli sebitlerinden gelen wekiller ýaş nesliň innowasiýa tehnologiýalaryna bolan gyzyklanmasynyň artýandygyny görkezýän ýaryşa işjeň gatnaşdylar.
Türkmenistan tennis boýunça erkekler topary, şeýle hem 14 ýaşa çenli ýetginjekler ýygyndysy özbegistanly türgenler bilen bilelikde üç hepdelik türgenleşik geçirmek maksady bilen Özbegistanyň paýtagty Daşkende gitdiler, bu barada ýurdumyzyň sportuň bu görnüşi baradaky Federasiýasynyň metbugat gullugy habar berýär.
Türkmenistanyň Ylymlar akademiýasynyň ýanyndaky Tehnologiýalar merkeziniň alymlary dermanlyk ösümlikleri fitokapsulalara ýerleşdirmek arkaly innowasion ususly oýlap tapdylar. Merkeziň alymlary tejribe hökmünde ýandagyň gury we suwuk görnüşlerini fitokapsulalara ýerleşdirdiler.
Gowşurylan lukmançylyk enjamlarynyň umumy bahasy 790 müň amerikan dollaryna deňdir. Enjamlar dopplerografiýa işini ýokary hilli, deriniň häsiýetnamasyny awtomatik usulda anyklaýandygy we ýokary hilde wizuallaşdyrýandygy bilen tapawutlanýar.
Aktau şäheri Gazagystanyň iri port şäheri bolup, ol Türkmenistandan känbir uzak bolmadyk çäkde ýerleşýär. Ýurduň ulag-logistika düzüminiň möhüm ähmiýetli bölegi hökmünde şäher halkara ulag geçelgeleriniň merkezinde ýük dolanyşyk işini amala aşyrýar.
“Watana bolan söýgüsi üçin” atly medal 380 töweregi adama gowşuyldy. Olaryň içinde Türkmenistanyň Ylymlar akademiýasynyň işgärleri, mekdepleriň direktorlary, önümçilik kärhanalarynyň öňdebaryjylary, medeniýet we sungat işgärleri, aýratyn sepgitlere ýeten telekeçiler bar.
“Türkmenhimiýa” döwlet konserni ýyllyk kuwwaty 100 müň tonna kalsinirlenen sodany we 30 müň tonna kaustik sodany öndürmäge ukypy zawody gurmak boýunça açyk bäsleşik yglan edýär. Bu önümçilik kärhanasy Balkan welaýatynyň çäginde gurlar.
