Minskde A.D.Saharow adyndaky Halkara Döwlet ekologiýa institutynda Türkmenistanyň Prezidenti Serdar Berdimuhamedowyň “Ýaşlar - Watanyň daýanjy” atly ilkinji kitabynyň tanyşdyrylyş dabarasy boldy. Türkmenistanyň Belarus Respublikasyndaky ilçisi Nazarguly Şagulyýew institutyň talyplary we ýolbaşçylary bilen duşuşdy.
Sişenbe güni Pakistanyň Milli miras we medeniýet ministri Jamal Şah Yslamabatdaky daşary ýurt diplomatlary bilen Pakistan, Hytaý, Russiýa we Merkezi Aziýa döwletleriniň arasyndaky ykdysady we medeni gatnaşyklary pugtalandyrmak üçin ikinji “CPEC” (China Pakistan Economic Corridor) Medeni kerwen meýilnamasyny geçirmegi ara alyp maslahatlaşdy.
Türkiýäniň Türkmenistandaky ilçisi Ahmet Demirok 25-nji ýanwarda Aşgabatda geçirilen metbugat ýygnagynda Türkmenistan tebigy gazyň we elektrik energiýasynyň eksporty babatynda möhüm orny eýeleýär diýip, belledi. Ol “türkmen tebigy gazyny we elektrik energiýasyny günbatar bazarlaryna daşamak boýunça işleriň ýakyn wagtda başlanjakdygyna” umyt bildirdi.
Geçen 2023-nji ýylda türk kompaniýalary Türkmenistanda jemi bahasy 3,2 milliard dollar bolan 7 taslamany durmuşa geçirdiler.
Türkmenistanda ýurduň umumybilim berýän orta mekdepleriniň 11-nji synp okuwçylarynyň arasynda Türkmenistanyň taryhy, matematika, iňlis we türkmen dilleri boýunça ders olimpiadalary geçiriler diýip, «Türkmenistan: Altyn asyr» döwlet elektron neşiri habar berýär.
USAID-iň Merkezi Aziýa Söwda Maksatnamasynyň ORIENT habarlar agentligi bilen bilelikdäki «Eksport ekoulgamy ösdürmek başlangyjy» atly rubrikasynyň işiniň çäginde eksport tejribesini paýlaşan indiki kärhana “Ýigit” Hojalyk jemgyýetidir. Bu kompaniýanyň eksport tejribesi barada “Ýigit” Hojalyk jemgyýetiniň Ýyladyşhanalar toplumynyň baş müdiri Maksat Şirow Bize giňişleýin gürrüň berdi.
Hususy pudagyň ýolbaşçylaryndan we Horasan-Rezawi welaýatynyň gubernatory Ýakub Ali Nazariniň ýolbaşçylygyndaky Eýranyň wekiliýeti Türkmenistanyň Mary welaýatyna baryp, onuň ykdysady potensialy we infrastrukturasy bilen tanyşdy.
Türkmenistanyň wekiliýeti geçirilýän Hazarüsti söwda ýoly boýunça bilelikdäki hereketleriň meýilnamasyny ara alyp maslahatlaşmak üçin Daşkent şäherinde geçirilýän çärä gatnaşýar.
24-nji ýanwarda Amerikanyň Birleşen Ştatlarynyň Halkara Ösüş agentliginiň (USAID) Döwleti dolandyryş ulgamynyň kämilleşdirilmegine ýardam bermek (GSP) taslamasy, Türkmenistanyň Zenanlar birleşigi bilen hyzmatdaşlykda, Türkmenistanyň Mejlisiniň, Zenanlar birleşiginiň Milli geňeşiniň, ministrlikleriň we dolandyryş edaralarynyň, şeýle-de ýokary okuw mekdepleriniň wekilleri üçin gender deňligi meselelerine bagyşlanan okuw-maslahatyny gurnady.
Maglumat pudagynda özara gatnaşyklaryň mümkinçilikleri Türkmenistanyň Kuala-Lumpurdaky ilçisi Muhammetnyýaz Maşalow we Malaýziýanyň Aragatnaşyk we multimedia komissiýasynyň başlygy Tan Şri Mohamad Salim Bin Fateh Din tarapyndan ara alnyp maslahatlaşyldy.
“Ahal” futbol topary 7 – 12 ýaş aralygyndaky çagalar üçin mugt ussatlyk sapaklaryny gurar. Çäre “Aşgabat” stadionynda açyk asmanyň astynda sagat 15:30-da başlanar.
“Pisseli”, “Arzuwly ugur”, “Paýhasly ýörelge”, “Syrly sandyk” ýaly hususy gurluşyk kärhanalary döwletden alynýan 30 ýyllyk möhletli karzlaryň hasabyna bir we iki gatly ýaşaýyş jaýlarynyň 165-siniň gurluşygyny güýçli depginde alyp barýarlar.
24-nji ýanwarda Türkmenistanyň Adatdan daşary we Doly ygtyýarly ilçisi B. Rejepow Astana şäherindäki L.N. Gumilýow adyndaky Ýewraziýa milli uniwersitetinde (ÝMU) umumy sapak geçdi we Serdar Berdimuhamedowyň «Ýaşlar – Watanyň daýanjy» atly kitabyny tanyşdyrdy.
Mary welaýatynda ýerleşýän 19 sany kliniki barlaghana ganda umumy, biohimiýa, koagulýasiýa, mikroskopik ýaly barlaglary geçirmäge mümkinçilik berýän enjamlar bilen üpjün edildi.
Tokio şäherine iş saparynyň çäklerinde Türkmenistanyň daşary işler ministri Raşid Meredow Ýaponiýanyň sanly ulgam işleri boýunça ministri Taro Kono bilen duşuşdy.
