Marydaky 19 sany kliniki barlaghana täze enjamlar bilen üpjün edildi
Mary welaýatynda ýerleşýän 19 sany kliniki barlaghana ganda umumy, biohimiýa, koagulýasiýa, mikroskopik ýaly barlaglary geçirmäge mümkinçilik berýän enjamlar bilen üpjün edildi. Degişli işler Türkmenistanyň maliýeleşdirmeginde BMG-niň Ösüş maksatnamasy bilen hyzmatdaşlykda ýerine ýetirildi.
Taslamany ýerine ýetirmegiň çäklerinde laboratoriýa barlaghanalaryny degişli enjamlar bilen üpjün etmek wezipesi goýuldy. Bu enjamlardan netijeli peýdalanmak boýunça barlaghanalaryň hünärmenleri taýýarlyk okuwlaryny geçdiler.
Häirki wagtda Lebap welaýatynyň çäginde ýerleşýän 27 sany barlaghanany degişli enjamlar bilen üpjün etmek boýunça işler alnyp barylýar. Bu sebitdäki barlaghanalaryň işgärleri taýýarlyk okuwlaryny geçip başladylar.
Türkmenistanyň maliýeleşdirmeginde BMG-niň Ösüş maksatnamasy bilen hyzmatdaşlykda durmuşa geçirilýän taslama jemgyýetçilik saglygy goraýyş ulgamynda ilata hödürlenýän hyzmatlaryň hilini ýokarlandyrmagy, kliniki-barlaghanalaryň işini kämilleşdirmegi maksat edinýär.
ORIENT news
