20-nji sentýabrda Pekiniñ Parahatçylyk seýilgähinde Halkara parahatçylyk gününe bagyşlanylyp 11-nji Parahatçylyk festiwaly geçirildi. BMG-niñ başlangyjy bilen 2002-nji ýylyñ 21-nji sentýabryndan başlap her ýyl bellenilýän bu dabara köpsanly gatnaşyjylary ýygnady.
2024-nji ýylyň 20-nji sentýabrynda Türkmenistan bilen Zambiýanyň Bilim ministrliginiň wekilleriniň arasynda wideoaragatnaşyk arkaly duşuşyk geçirildi. Duşuşykda ýokary bilim pudagynda hyzmatdaşlygyň geljegi, şeýle hem iki ýurduň uniwersitetleriniň arasynda talyp alyş-çalşygy meselesi ara alnyp maslahatlaşyldy. Iki ýurduň bilim ulgamynyň degişli hünärmenleri bu çäräniň ikitaraplaýyn hyzmatdaşlygy güýçlendirmek üçin ähmiýetini nygtaýan gepleşiklere gatnaşdy.
Daşkent şäherinde Alyşir Nowaýy adyndaky Daşkent Döwlet özbek dili we edebiýaty uniwersitetinde Ýewropa bileleşiginiň Erasmus+ programmasynyň çäklerinde möhüm halkara seminary geçirildi. Bu çäre Özbegistanyň Ýokary okuw bilim, ylym we innowasiýalar ministrligi bilen bilelikde guraldy. Onlaýn okuw seminar "Ýokary okuw mekdepler üçin Halkara QS we THE reýtinglerine gatnaşmak boýunça ýollary" atly tema bagyşlanyp, ýokary bilim ulgamynyň halkara reýtinglerine goşulmagyň ýollaryny we mümkinçiliklerini öwrenmek maksady bilen guraldy.
Anna güni, 20-nji sentýabrda, Türkmenistanyň Döwlet haryt çig mal biržasynda geçirilen söwdalaşyklarda gysga süýümli pagta we düz aýna önümleri uly islege eýe boldy.
Türkmenistanyň Katar Döwletindäki ilçisi Myratgeldi Seýitmämmedow Kataryň Döwletiniň kiberhowpsuzlyk boýunça Milli agentliginiň başlygy Abdulrahman bin Ali Al Farahid Al Maliki bilen duşuşyk geçirdi.
Prezident Serdar Berdimuhamedow Türkmenistanyñ raýatlygyna 1 müñ 146 adamyny kabul etmek barada Karara hem-de 134 adama ýurtda ýaşamaga rugsat berýän baradaky Permana gol çekdi.
Türkmenistanda Garaşsyzlyk güni mynasybetli jenaýat edendikleri üçin iş kesilen raýatlaryñ 736-nyñ günäsi geçildi. Prezident Serdar Berdimuhamedowyñ Kararyna laýyklykda olar tussag edilen ýerlerinden azatlyga çykarylar.
20-nji sentýabrda Pekinde “Gazprom” AGPJ-iň müdiriýetiniň başlygy Alekseý Miller bilen CNPC dolandyryş geňeşiniň başlygy Daý Houlýanyň arasynda iş duşuşygy geçirildi.
Türkmenistanyñ wekiliýeti 16-18-nji sentýabr aralygynda Abu-Dabide (BAE) geçirilen Jemagat kärhanalarynyñ bütindünýä kongressine (World Utilities Congress 2024) gatnaşdy.
Minskdäki Türkmenistanyň Adatdan daşary we Doly ygtyýarly Ilçisi Nazarguly Şagulýew 20-nji sentýabrda Belarus döwlet lukmançylyk uniwersitetiniň rektory Sergeý Rubnikowiç bilen duşuşdy.
Penşenbe güni, 19-njy sentýabrda Prezident Serdar Berdimuhamedowyñ Yslam ösüş bankynyñ başlygy Muhammad Al-Jasser bilen geçiren duşuşygynda saglygy goraýyş, energetika we ulag ýaly ugurlar boýunça Türkmenistanyñ Yspam ösüş banky bilen hyzmatdaşlygy ösdürmek mümkinçilikleri ara alnyp maslahatlaşyldy.
Türkmen hünärmenleri sebitdäki kärdeşlerine Durnukly ösüş üçin 14-nji Merkezi Aziýa liderlik maksatnamasyna (MALM) goşuldy, bu başlangyç daşky gurşawy goramak meselelerini, esasanam howanyň üýtgemegi we suw dolandyryşy bilen baglanyşykly meseleleri çözmäge gönükdirilendir.
Budapeştde (Wengriýa) geçirilýän Bütindünýä küşt olimpiadasynyň 8-nji tapgyrynda Türkmenistan topary 1-nji we 2-nji tagtalarda halkara derejeli ussat Saparmyrat Atabaýewiň we grossmeýster Meýlis Annaberdiýewiň ýeňişleri, şeýle hem 4-nji tagtada Allaýar Şirliýewiň deňme-deň oýnamagy netijesinde Islandiýany (ekiş sany – 46; ortaça reýting – 2483) 2,5: 1.5 hasabynda ýeňdi.
Hytaý 2035-nji ýyla çenli ýurduň 3D kartasyny döretmegi meýilleşdirýär diýip, Tebigy baýlyklar ministriniň orunbasary we ýurduň milli tebigy baýlyklary boýunça baş gözegçisiniň orunbasary Lýu Gohuna sagylanyp, “China Daily” habar berýär.
Türkiýe Respublikasynda Özdemir Baýraktar adyndaky talyp hakly tehnologiýa maksatnamasyna arzalary kabul etmek başlandy.
