Arkadag şäheriniň Aba Annaýew adyndaky Halkara atçylyk akademiýasynda “Ahalteke atçylyk sungaty we atlary bezemek däpleri” milli hödürnamanyň ÝUNESKO-nyň Adamzadyň maddy däl medeni mirasynyň görnükli nusgalarynyň sanawyna girizilendigi baradaky şahadatnamanyň gowşurylyş dabarasy geçirildi.
12-nji oktýabrda Türkmenistanyň Daşary işler ministri Raşid Meredow Mongoliýanyň Prezidenti Uhnaagiýn Hurelsuhyň Türkmenistana ilkinji döwlet saparynyň çäklerinde Aşgabada gelen Mongoliýanyň Daşary işler ministri Batseseg Batmunhiýn bilen duşuşyk geçirdi.
7-12-nji oktýabr aralygynda Astrahanda geçirilen Hazarýaka ýurtlarynyň ýokar okuw mekdepleriniň Assosiasiýasynyň we ylmy-barlag merkezleriniň VII Halkara talyplar uniwersiadasyna Türkmenistanyň Magtymguly adyndaky Türkmen döwlet uniwersitetiniň we Türkmen döwlet binagärlik we gurluşyk istitutynyň talyplaryndan düzülen ýygyndy topary gatnaşdylar.
Aşgabatda Türkmenistanyň Prezidenti Serdar Berdimuhamedowyň we Mongoliýanyň Prezidenti Uhnaagiýn Hurelsuhyň arasynda geçirilen gepleşikleriň netijeleri boýunça ikitaraplaýyn resminamalara gol çekmek dabarasy geçirildi.
Şu gün Mongoliýanyň Prezidentiniň Türkmenistana amala aşyran ilkinji döwlet saparynyň çäklerinde iki dostlukly ýurduň Baştutanlary Serdar Berdimuhamedowyň we Uhnaagiýn Hurelsuhyň arasynda ýokary derejedäki gepleşikler geçirildi.
1-nji oktýabrda Aşgabatda şäherinde geçirilen “Döwürleriň we siwilizasiýalaryň özara arabaglanyşygy – parahatçylygyň we ösüşiň binýady” atly halkara forumyna gatnaşyjylar “Magtymguly Pyragynyň ensiklopediýalaryny” neşir etmegiň mümkinçiligini işjeň öwrenmek üçin uly mümkinçilikleri bellediler.
Türkmenistanyň Döwlet energetika instituty ýokary okuw mekdepleriniň talyplarynyň arasynda paýhas bäsleşigini geçirer.
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 11-nji oktýabrda “Döwürleriň we siwilizasiýalaryň özara arabaglanyşygy — parahatçylygyň we ösüşiň binýady” atly halkara forumyna gatnaşan döwlet Baştutanlary bilen iki taraplaýyn duşuşyklaryň birnäçesini geçirdi.
11-nji oktýabrda Prezident Serdar Berdimuhamedow Eýranyň, Pakistanyň hem-de Ermenistanyň Prezidentleri bilen ikitaraplaýyn duşuşyk geçirdi.
11-nji oktýabrda, anna güni, Türkmenistanyň Döwlet haryt çig-mal biržasynda geçirilen söwdalaşyklaryň dowamynda nebit himiýa we ýeňil senagat önümleri satyn alyndy.
12-nji dekabrda bellenilýän Halkara Bitaraplyk güni mynasybetli Türkmenistanda ýurduň ýokary okuw mekdepleriniň talyplarynyň arasynda statistika dersi boýunça Interne bäsleşigi geçiriler.
Aşgabatda “Döwürleriň we siwilizasiýalaryň özara arabaglanyşygy – parahatçylygyň we ösüşiň binýady” forumynda çykyş edip, Russiýa Federasiýasynyň Prezidenti Wladimir Putin ýygnananlary Kazanda geçiriljek BRIKS sammitine gatnaşmaga çagyrdy.
Dünýä edebiýatynyň ägirdi, görnükli akyldarymyz Magtymguly Pyragy bütin adamzat üçin gymmatly garaýyşlar bilen dünýä medeniýetiniň dürler hazynasynda hemişelik orun alandyr, şonuň üçin hem, şahyryň ömrüni we döredijiligini giňden öwrenmek bilen bagly işler abraýly halkara guramalar, dünýä döwletleri tarapyndan uly goldawa eýe bolýar, - diýip Türkmenistanyň Prezidenti “Döwürleriň we siwilizasiýalaryň özara arabaglanyşygy – parahatçylygyň we ösüşiň binýady” atly halkara forumynda çykyş etdi.
Şu gün Aşgabatda Türkmenistanyň Prezidenti Serdar Berdimuhamedowyň başlyklyk etmeginde “Döwürleriň we siwilizasiýalaryň özara arabaglanyşygy – parahatçylygyň we ösüşiň binýady” atly Halkara maslahatynyň umumy mejlisi geçirildi.
2024-nji ýylyň 10-njy oktýabrynda “Sport” myhmanhanasynyň mejlisler zalynda “Saglygy goraýyş, bilim we sport Berkarar döwletiň täze eýýamynyň Galkynyşy döwründe” atly halkara ylmy maslahatynyň umumy mejlisi geçirildi. Çäräniň başynda Türkmenistanyň Ministrler Kabinetiniň Başlygynyň orunbasary B.Orazdurdyýewa Türkmenistanyň Prezidenti Serdar Berdimuhamedowyň halkara ylmy maslahatyna gatnaşyjylaryna onuň öz işine başlandygy mynasybetli ýüzlenmesini okady. Halkara ylmy maslahatynda Türkmenistanyň Prezidentiniň ýanyndaky Arkadag şäheriniň gurluşygy boýunça Döwlet komitetiniň başlygy Derýageldi Orazow, Germaniýanyň Federatiw Respublikasyndan gelen kardiohirurg, lukmançylyk ylymlarynyň doktory, professor Ýohann Engelbert Maýsner, “Prof. Dr.Dhom & Kollegen” hususy klinikanyň stomatolog lukmany, lukmançylyk ylymlarynyň doktory, professor Günter Ýakob Dom, Mýunhendäki Lýudwig Maksimilian Uniwersitetiniň klinikasynyň ortoped-hirurgy, lukmançylyk ylymlarynyň doktory, professor Folkmar Ýansson gatnaşyjylary Türkmenistanyň saglygy goraýyş we derman serişdeleri senagatynyň işgärleriniň güni bilen mähirli gutladylar. Olar fiziki bejeriş we dikeldiş barada nutuklary bilen çykyş edip, Türkmenistanda saglygy goraýyş ulgamyny ösdürmekde halkara hyzmatdaşlygyň ähmiýeti barada belläp geçdiler. Türkiýe Respublikasyndan gelen professor, Koç Uniwersitetiniň hassahanasynyň çaga kardiologiýasy bölüminiň müdiri Ender Ödemiş “Dogabitdi ýürek kemçiligini bejermekde endowaskulýar usullary” nutugy bilen, Russiýa Federasiýasynyň Astrahanyň döwlet lukmançylyk uniwersitetiniň dosenti, biologiýa ylymlarynyň kandidaty Natalýa Salnikowa “Hazarýaka pesliklerde ösýän Scutellaria Hastifolia ösümliginiň fitohimiýa barlagy” nutugy bilen çykyş etdi. Naberežnyýe Çelnyň döwlet mugallymçylyk uniwersitetiniň rektory, ykdysady ylymlarynyň kandidaty Alfinur Galiakberowa “Mugallymlary taýýarlamakda innowasion tehnologiýalar: Naberežnyýe Çelnyň döwlet mugallymçylyk uniwersitetiniň tejribesi” atly nutugy bilen çykyş etdi, Kent ştatynyň uniwersitetiniň (ABŞ) wise-prezidenti professor Marçello Fantona bolsa XXI asyrda bilimiň esasy hökmünde medeni gatnaşyklaryň ähmiýeti barada gürrüň berdi. Şeýle-de “Saglygy goraýyş, bilim we sport Berkarar döwletiň täze eýýamynyň Galkynyşy döwründe” halkara sergisine gatnaşýan öňdebaryjy kompaniýalara diplomlaryň gowşurylyş dabarasy geçirildi. Çäräniň ahyrynda “Saglygy goraýyş, bilim we sport Berkarar döwletiň täze eýýamynyň Galkynyşy döwründe” halkara ylmy maslahatyna gatnaşyjylaryň adyndan Türkmenistanyň Prezidentine ýüzlenme kabul edildi.
