UNICEF-yñ Türkmenistandaky wekili ýurtda uny demir we fol turşysy bilen baýlaşdyrmak işi bilen tanyşdy
BMG-niñ Çagalar gaznasynyñ (UNICEF) Türkmenistandaky wekili Jalpa Ratna Ahal welaýatyndaky çörek bişiriji kombinatyna baryp gördi.
Jalpa Ratna toplumyñ barlaghanalarynyñ işi bilen tanyşdy, uny demir we fol turşysy bilen baýlaşdyrmak işine syn etdi.
Şeýle-de Jalpa Ratna netijede her maşgalanyñ saçagyna baryp ýetýän mineral bilen baýlaşdyran undan çöregiñ bişirilişini gördi.
Mundan başga-da, UNICEF-iň topary çörek bişiriji kombinatynyñ beýleki bölümlerine baryp gördi, şol sanda un üweýän we gaplaýjy bölümleriniñ işi bilen tanyşdy.
1996-njy ýyldan bäri UNICEF Türkmenistan hökümetine una goşulýan premiks goşundylaryny satyn almakda goldaw berýär. Türkmenistan sebitde uny baýlaşdyrmak maksatnamasyny başlan ilkinji ýurtdy, häzirki wagta çenli bu ugurda Merkezi Aziýanyñ öñdebaryjy ýurdy bolmagynda galýar.
2006-njy ýylda bu formula fol turşysy goşulyp, şondan bäri Türkmenistanda öndürilýän ähli bugdaý uny fol turşysy we demir bilen baýlaşdyrylyp, ilatyñ bu zerur iýmit mikroelementlerinden iñ gowy ýagdaýda peýdalanmagyny üpjün edýär.
Bugdaý uny witaminler we minerallar bilen baýlaşdyrmak işi mikroelement ýetmezçiligi bilen baglanyşykly meseleleri çözmek, ýagny gan ýetmezçiligi hem-de iýmit bilen bagly saglyk görkezijilerini gowulandyrmak üçin barlagdan geçen, howpsuz we ykdysady taýdan netijeli strategiýa hasaplanylýar. Bütin dünýäde esasy iýmit önümleriñ baýlaşdyrylmagy ilatyñ saglyk ýagdaýynyñ gowulandyrylmagy we öndürijiliginiñ ýokarlandyrylmagy arkaly ýurduñ ykdysadyýetine hem ähmiýetli oñyn täsirini ýetrýändigi subut edildi.
ORIENT news
