2024-nji ýylda Hytaýda nebitiň we gazyň gazyp alnan möçberi ilkinji gezek 400 mln tonna nebit görkezijisinden geçdi, bu hem ýurt üçin gazanylan möhüm üstünlik boldy. Bu barada HHR-iň Energetika işleri boýunça Döwlet müdirligine salgylanyp, Sinhua agentligi habar berýär.
Türkmenistan barada ýörite gepleşigi taýýarlamak üçin Aşgabada Ýaponiýanyň Mainichi Broadcasting System, Inc. mediaholdingiň ýazgy edýän topary geldi. Bu barada Ýaponiýadaky Türkmenistanyň ilçihanasy özüniň sosial ulgamlaryndaky sahypasynda habar berýär.
Apple Space X we T-Mobile kompaniýalary bilen hyzmatdaşlykda soňky iOS 18.3 nusgasynda iPhone enjamlarynyň Starlink hemra ulgamyna birikmek mümkinçiligini ornaşdyrdy. Emma häzirki wagtda bu wezipe ABŞ-daky ulanyjylaryň çäklendirilen sany üçin elýeterli bolup, ol synagdan geçmek tapgyryndadyr.
Taraplar hyzmatdaşlygyň mümkin bolan ugurlaryny, şol sanda 2025-nji ýylda Peace and Sport guramasynyň çärelerine Türkmenistanyň gatnaşmagyny, şeýle hem Türkmenistanda Peace and Sport halkara forumynyň geçirilmegini ara alyp maslahatlaşdylar.
Halkara ynsanperwer ylymlary we ösüş uniwersitetiniň iňlis dili mugallymy Çemen Wekilowa Merkezi Aziýanyň beýleki ýurtlarynyň wekilleri bilen bilelikde Beýik Britaniýanyň Norij şäherine baryp gördi.
Türkmenistanyň Bilim ministrliginde Türkmenistanyň bilim ministriniň ABŞ-niň Türkmenistandaky Adatdan daşary we Doly ygtyýarly ilçisi Elizabet Rud bilen duşuşygy geçirildi.
29-njy ýanwarda Monako Knýazlygyň hökümet binasynda Fransiýadaky Türkmenistanyň Adatdan daşary we Doly ygtyýarly ilçisi M.Çaryýew bilen Monakonyň Daşary aragatnaşyk we hyzmatdaşlyk ministrliginiň Diplomatik we konsullyk gatnaşyklar departamentiniň direktory Mari-Katrin Karuzo-Raweranyň duşuşygy geçirildi.
29-njy ýanwarda, çarşenbe güni, Türkmenistanyň Döwlet haryt çig-mal biržasynda geçirilen söwdalaşyklaryň netijesinde nebit-himiýa we oba hojalyk önümleri ýerlenildi.
Merkezi Aziýanyň sebitleýin ekologiýa merkeziniň (MASEM) Türkmenistandaky taslama edarasynyň direktory Mergen Kepbanowa, bilermenler topary we Türkmenistanyň Daşky gurşawy goramak ministrliginiň wekilleri bilen bilelikde, Çärjew etrabynyň tokaý hojalygynyň synag meýdançasynda bag ekmek maksady bilen Lebap welaýatyna bäş günlük iş saparyny amala aşyrdylar
Türkmenistanyň Päkistantandaky Ilçihanasynda ýerli KHBS-niň wekilleri üçin Türkmenistanyň Halkara parahatçylyk we ynanyşmak ýylynyň dowamyndaky işleriniň we onuň ileri tutýan ugurlarynyň Konsepsiýasyna bagyşlanan brifing geçirildi
Bütindünýä meteorologiýa guramasy (BMG) 2024-nji ýylyň taryhda iň yssy ýyl bolandygyny tassyklady we buzluklaryň eremeginiň howanyň ýagdaýyna edýän täsirine alada bildirdi. Howanyň üýtgemegi boýunça Hökümetara bilermenler toparynyň çaklamalaryna görä, XXI asyrda dünýäniň ähli sebitlerinde buzluklaryň azalmagy dowam eder
Chevron korporasiýasy, onuň 50% golçur kärhanasy Tengizchevroil LLP-niň Gazagystanyň Tengiz nebit ýatagynda geljekki giňeltmek Taslamasy çäklerinde nebit önümçiligine başlandygyny habar berdi. Kompaniýanyň metbugat beýanatyna görä, bu taslama kuwwatlylygyň doly ulanylmagy bilen nebit önümçiligini günde 260 müň barrel artdyrmaga gönükdirilendir
Fransiýanyň Prezidenti Emmanuel Makron, dünýä suratkeşliginiň iň meşhur eserleriniň biri bolan, italýan Galkynyş eýýamynyň ussady Leonardo da Winçiniň meşhur işi, Luwrdaky beýleki ekspozisiýalardan aýratynlykda ýerleşdirilip, aýratyn girelgesi bolan aýratyn zalda görkeziljekdigini habar berdi. Bu otaga girmek üçin aýratyn petek hem göz öňünde tutulandyr
«Uzbekistan Airways» kompaniýasynyň berýän maglumatlaryna görä, Daşkent (TAS) — Nýu-Ýork (JFK) ugry boýunça uçuş wagtynda ýolagçylaryň biri çaga dogurmaga başlady. Bu adatdan daşary ýagdaýy göz öňünde tutup, ekipaž habar beriş ulgamy arkaly uçardaky ýolagçylara ýüzlenýär we lukmanlaryň kömege gelmegini haýyş edýär. Şol pursatda uçarda bolan akuşer-lukman we hirurg göwreli zenana kömek edip, oglanjygyň dünýä inmegine kömek edýärler
Oguzhan adyndaky «Türkmenfilm» birleşiginde Beýik Watançylyk urşunda gazanylan Ýeňşiň 80 ýyllygyna bagyşlanan doly göwrümli çeper filmiň düşürilişi başlandy. “Gyz kasamy” atly kinolentanyň režissýory Sahysalyh Baýramow bolup, filmiň ssenariýasynyň awtorlary Akmyrat Rejepow we Bazarkul Şalyýewdir. Kinonyň döremegine Şalyýewiň adybir ýazylan poemasy ylham berdi
