Saud Arabystany howa menzillerinde hyzmatyň hilini ýokarlandyrmak üçin täze tehnologiýalary işjeň ornaşdyrýar. Er-Riýad, Jidda, Dammam we Medine şäherleriniň howa menzillerinde 152 sany awtomatlaşdyrylan elektron çykalgalaryň girizilmegi bu ugurdaky möhüm ädimleriň biri boldy. Ygtybarly elektron derwezeler ýolagçylaryň garaşmagyny ep-esli derejede azaldýar.
2025-nji ýylyň 10-njy martynda Hytaýyň Sindao şäherinde Şanhaý hyzmatdaşlyk guramasyna (ŞHG) agza-döwletleriniň medeni we syýahatçylyk alyş-çalyşygyň festiwaly badalga aldy. Şandun welaýatynyň Medeniýet we syýahatçylyk baradaky müdirligi we Sindao şäheriniň Halk hökümeti tarapyndan guralan bu çäre Sindao şäheriniň ŞHG-niň 2024-2025-nji ýyllar üçin syýahatçylyk we medeni paýtagty diýlip yglan edilmegi mynasybetli geçirilýär.
Hytaýyň günorta-günbataryndaky Syçuan welaýatynyň Çendu administratiw merkezinde Merkezi Aziýa ýurtlaryna ulanylan awtoulaglary eksport etmek üçin ilkinji ýük otlusy ugradyldy.
11-nji martda, sişenbe güni, Türkmenistanyň Döwlet haryt çig-mal biržasynda geçirilen söwdalaşyklaryň dowamynda nebit-himiýa önümleri ýerlenildi.
11-nji martda Türkmenistanyň DIM-de türkmen-hytaý gatnaşyklarynyň häzirki meselelerine bagyşlanan duşuşyk geçirildi. Türkmenistanyň Daşary işler ministriniň orunbasary Ahmet Gurbanow Hytaý Halk Respublikasynyň Şensi welaýatynyň Hytaýyň Kommunistik partiýasynyň partiýa komitetiniň sekretarynyň orunbasary Sin Şanpin bilen duşuşyk geçirdi
11-nji martda Türkmenistanyň DIM-nde Türkmenistanyň Daşary işler ministriniň orunbasary Mähri Bäşimowa bilen Belarus Respublikasynyň Ilçisi Stanislaw Çepurnoýyň arasynda duşuşyk geçirildi
11-nji martda Maýa Kulyýewa adyndaky Türkmen milli konserwatoriýasynda döwürdeş türkmen bagşylarynyň arasynda iň görnükli wekillerinden biri bolan Saha Jepbarowyň doglan gününiň 120 ýyllygyna bagyşlanan döredijilik duşuşygy geçirildi
Şu gün Aşgabatda British Education Network (BEN), London Uniwersitetiniň wekilleri we AD Education UK Geňeşiniň direktory, professor Dewid Beýker bilen duşuşyk geçirildi. Türkmenistanyň Bilim ministrliginde geçirilen bu duşuşyk, türkmen-britan bilim hyzmatdaşlygyny berkitmegiň möhüm tapgyry boldy
Gazagystany Azerbaýjan, Türkiýe we Gruziýa bilen birleşdirýän Hazarüsti geçelgesi halkara logistikanyň we ýük daşamalarynyň möhüm bölegi boldy. 2023-nji ýylda bu geçelgäniň üsti bilen ýük daşamalaryň möçberi 4,5 mln tonna çenli ýokarlandy. Bu hem geçen ýyl bilen deňeşdirilende, 62% köpdür. Gazagystan 2027-nji ýyla çenli bu möçberi ýylda 10 mln tonna çenli ýokarlandyrmagy meýilleşdirýär.
Monica hytaý startapy dolulygyna awtonom ýagdaýda işleýän Manus atly dünýäniň ilkinji emeli aň kömekçisi bilen tanyşdyrdy. South China Morning Post gazetiniň habar berişi ýaly, ol çylşyrymly ýumuşlary çözmek babatyndaky çemeleşmeleri özgerder.
Ozal habar berşimiz ýaly, 18-nji martda Aşgabat şäherinde “Türkmenistanyň geljegine maýa goýumlar” (IFT 2025) atly ilkinji Halkara forum geçirilip, ol 26 ýurtdan 200-den gowrak wekilleri ýygnar. Çärä Türkmenistanyň ministrlikleriniň we pudaklaýyn dolandyryş edaralarynyň wekilleri, daşary ýurt maýadarlary, iri kompaniýalaryň ýolbaşçylary, şeýle hem ykdysadyýet we innowasiýa bilermenleri gatnaşar.
Russiýada daşary ýurtly raýaty bolýan ýeri boýunça hasaba almak düzgünlerini aňsatlaşdyrdylar.
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Gazagystan Respublikasynyň başlangyjy boýunça BMG-niň Baş Assambleýasynyň “Birleşen Milletler Guramasynyň Merkezi Aziýa we Owganystan üçin Durnukly ösüş maksatlary boýunça sebit merkezi” atly Kararnamasynyň biragyzdan kabul edilendigi mynasybetli Gazagystan Respublikasynyň Prezidenti Kasym-Žomart Tokaýewe gutlag ýollady
Türkmenistanyň senagatçylar we telekeçiler birleşmesi hemişelik Bitaraplygymyzyň şanly 30 ýyllygy mynasybetli “Senetçilik - milli mirasymyz” atly bäsleşigi yglan edýär.
2025-nji ýylyň 10-njy martynda Belarus Respublikasynyň Prezidenti Aleksandr Lukaşenko Aleksandr Turçini ýurduň täze premýer-ministri edip belledi. Mundan ozal Minskiň oblast ýerine ýetiriji komitetiniň başlygy wezipesini eýelän Turçin, Belarus Respublikasynyň Konstitutsiýasyna laýyklykda bu wezipä bellendi. Bu Wekiller palatasynyň deslapky razylygy talap edilýär.
