Bu guramanyň Aşgabatdaky edarasynyň metbugat üçin habaryna görä, Türkmenistanyň üç ýokary okuw mekdepleriniň ýetmişe golaý talyplary syýasy aragatnaşyklaryň maksatlary we wezipeleri, onuň modelleri we nusgawy nazaryýetleri bilen ÝHHG tarapyndan onlaýn görnüşde guralan dört günlük okuwyň barşynda tanyşdylar.
Sişenbe güni, 18-nji oktýabrda Türkmenistanyň Döwlet haryt-çig mal biržasynyň söwdalarynda umumy bahasy $48,4 million bolan 11 geleşik baglaşyldy diýip, ORIENT-iň habarçysy habar berýär.
“TOPH – parahatçylygyň nyşany” – atly şygar bilen şu günler Türkmenistan-Owganystan-Päkistan-Hindistan gaz geçirijisiniň owgan böleginiň ugry boýunça welosiped ýörişi geçirilýär. Bu barada ORIENT-e Türkmenistanyň diplomatik edarasynda habar berildi.
Sişenbe güni Türkmenistanyň Daşary işler ministri, Türkmen-ýapon ykdysady hyzmatdaşlyk komitetiniň başlygy Raşid Meredow komitetiň ýapon tarapdan başlygy, “Itochu” korporasiýasynyň dolandyryjy müdiri Hiroýuki Tsubaý bilen wideoaragatnaşyk arkaly gepleşikleri geçirdi.
«Türkmenistan» awiakompaniýasynyň Russiýadaky baş agentliginiň resmi saýtynyň berýän habaryna görä, Russiýadan Türkmenistana 30-njy noýabrdan soň uçýanuçuşlar üçin uçar biletleri täze nyrhlarda satylyp başlandy.
News.mrud.ir neşiriniň habar bermegine görä, Täjigistandan ilkinji ýük otlusy Özbegistan, Türkmenistan we Eýran sebitleri arkaly Türkiýä ugrady.
Oktýabr aýynyň 24-den 31-i aralygynda Aşgabatda Ýewropa Birleşiginiň medeniýet hepdeligi geçiriler, onuň guramaçysy hökmünde Ýewropa Birleşiginiň Türkmenistandaky wekiliýeti Fransiýanyň, Germaniýanyň, Italiýanyň we Rumyniýanyň ilçihanalary bilen bilelikde çykyş edýärler.
CNBC habar gullugynyň habar bermegine görä, Ak tamyň Ylym we tehnologiýa bölümi, Güni "garaňkylaşdyrmagyň" usullaryny öwrenmek üçin 5 ýyllyk gözleg taslamasyny meýilleşdirýär.
Ýewropa geňeşiniň başlygy Şarl Mişel Ýewropa Birleşiginiň Türkmenistan bilen gatnaşyklaryny pugtalandyrmaklyga we syýasy gepleşikler arkaly hyzmatdaşlygy dowam etdirmeklige, şeýle hem ikitaraplaýyn we köptaraplaýyn taslamalara meýillidiklerini mälim etdi.
Merkezi Aziýa ýurtlary dünýä çökgünligiň zyýanly täsirine az sezewar bolandyklar aýan edildi, netijede 2023-nji ýylda sebit üçin inflýasiýanyň ortaça derejesi 10,5% -e çenli peseler, ykdysady ösüş bolsa taryhy taýdan takmynan 7% derejesinde galar.
BMG-niň Türkmenistandaky wekilhanasynyň binasynda BMG-niň Çarçuwaly Konwensiýasy boýunça borçnamalary ýerine ýetirmek we Howanyň üýtgemegi boýunça Pariž Ylalaşygyny durmuşa geçirmäge ýardam etmek boýunça pudagara ýygnagynda 2030-njy ýyla çenli Türkmenistanyň ykdysadyýetiniň dürli pudaklarynda parnik gazlarynyň zyňyndylaryny azaltmak boýunça Maksatnamasynyň esasy maksatlary barada durlup geçildi. Bu barada «Neýtralnyý Turkmenistan» gazetinde habar berilýär.
Türkmenistanyň Zähmet we ilaty durmuş taýdan goramak ministrligi resmi saýtynda 2023-nji ýyl üçin önümçilik senenamasyny çykardy.
«Türkmentelekom» elektroaragatnaşyk kompaniýasynyň Sanly.tm elektron poçta hyzmatyndan peýdanalyjylarynyň sany 33 müň adama ýetdi – diýip, «Türkmenaragatnaşyk» agentliginde ORIENT-e gürrüň berdiler.
IRNA agentliginiň habar bermegine görä, iki ýurduň arasyndaky söwda gatnaşyklarynyň ösüşini ara alyp maslahatlaşmak üçin Eýranyň Demirgazyk Horasan welaýatynyň häkimi Muhammet Reza Huseýnnejadyň ýolbaşçylygyndaky wekiliýet Türkmenistana geldi.
Daşary işler ministriniň orunbasary Wepa Hajyýewiň ýolbaşçylygyndaky Türkmenistanyň wekiliýeti Duşenbe şäherinde “Terrorçylyga garşy göreşmek we terrorçylaryň hereketleriniň öňüni almak üçin serhetleriň howpsuzlygy hem-de serhet gözegçiligi ulgamynda halkara we sebit hyzmatdaşlygy” atly ýokary derejeli maslahata gatnaşdy.
