Türkmenistanyň we Russiýanyň kompaniýalary möçberш $2 mlrd gowrak bolan şertnamalara gol çekdiler
Aşgabatda geçen türkmen-rus biznes-forumynyň çäklerinde türkmen we russiýa kompaniýalary 150 mlrd rus rublyna deň bolan ($2,17 mlrd - RF-nyň MB-nyň 20-nji ýanwardaky hümmeti boýunça) şertnamalara gol çekdiler – diýip, RF-nyň Ykdysadyýet we ösüş ministrligine salgylanyp, TASS habar berýär.
«Forumdaky iki günlük işiň netijesinde rus we türkmen kompaniýalary umumy möçberi 150 mlrd rubla deň bolan bir ýüz elliden gowrak ylalaşyga gol çekdiler» - diýip, RF-nyň YÖM-niň baştutanynyň orunbasary Dmitriý Wolwaç habar berdi.
Ol Türkmenistanyň Russiýa üçin senagat pudagynda ynamly hyzmatdaşdygyny we iki ýurduň telekeçileriniň täze taslamalary ösdürmäge taýýardygyny belledi.
Ol şeýle hem häzirki wagtda Türkmenistanda Russiýanyň paýynyň $3,5 mlrd deň bolan 20-den gowrak maýa goýum taslamalarynyň bu ýurduň gatnaşmagynda amala aşyrylýandygyny belläp geçdi. Ulag, gurluşyk, awtoulag we gämi gurluşygy pudagynda, farmasewtikada, geologiýa-agtaryş, nebit-gaz pudagynda täze taslamalara badalga berilmäge taýýar edilýär.
ORIENT habarlar
