Russiýa elektromobilleriň öndürilişini ýylda 18 müň ulaga çenli artdyrmagy meýilleşdirýär, bu bolsa 2022-nji ýyl bilen deňeşdireniňde 9 esse köpdür. Bu hakdaRF-nyň hökümetiniň başlygynyň birinji orunbasary Andreý Belousow elektroulag boýunça strategiki sessiýanyň netijeleriniň esasynda gürrüň berdi – diýip, Lenta.ru habar berýär.
Argentinaly futbolçy Lionel Messi özüniň haýyr-sahawat gaznasyndan €3,5 mlrd ýewrony Türkiýedäki we Siriýadaky ýer titremelerinde ejir çekenlere kömek hökmünde bölüp berdi. Bu barada TiranaPost habar berýär.
Türkmen ilçisi Atajan Möwlamow we Yslam hyzmatdaşlygy guramasynyň ylmy-tehniki hyzmatdaşlyk boýunça ministrler derejesindäki hemişelik komitetiň (COMSTECH) baş utgaşdyryjysy Muhammad Çoudari ylym, bilim we medeniýet ulgamlarynda Türkmenistan bilen Pakistanyň arasyndaky hyzmatdaşlygy giňeltmegiň mümkinçiligini ara alyp maslahatlaşdylar. Duşuşyk COMSTECH-iň Sekretariatynda geçirildi diýlip, türkmen DIM-niň saýtynda ýerleşdirilen habarda aýdylýar.
Russiýa Gyrgyzystanda, Özbegistanda we Täjigistanda RF-na göçmek isleýän raýatlar üçin migrasiýadanozalky taýýarlyk merkezlerini açar. Bu barada RF-nyň DIM-niň GDA ýurtlary departamentiniň direktory Aleksandr Sternik RIA Nowosti üçin beren söhbetdeşliginde aýtdy.
Anna güni Aşgabatda Mukamlar köşgünde brodweýli artistler Keýt Bassyň we Aarong Ýangyň gatnaşmagynda konsert geçirildi. Bilelikdäki aýdym-saz çykyşyna dirižýor Resul Glyjowyň ýolbaşçylygyndaky Türkmenistanyň Döwlet simfoniki orkestri, şeýle hem Maýa Kulyýewa adyndaky Türkmen milli konserwatoriýasynyň talyplary we Döwlet horunyň artistleri gatnaşdylar.
Türkiýäniň Türkmenistandaky ilçihanasy ýurduň günorta-gündogarynda bolup geçen weýrançylykly ýer titremesinden ejir çekenlere kömek üçin hasap açdy.
Bütindünýä bankynyň baştutany Dewid Malpass Türkiýä weýrançylykly ýer titremesinden soň halas ediş we dikeldiş işlerini geçirmekde kömek etmek üçin bu bank tarapyndan 1 mlrd 780 mln dollar beriljekdigini beýan etdi – diýip, Anadolu agentligi habar berýär.
Penşenbe güni Meta korporasiýasy ABŞ-nyň ozalkyprezidenti Donald Trampyň Facebookdaky hasabyny iki ýyllyk blokirlenenden soň dikeltdi.
Gazagystanda Hazarüsti halkara ulag ugry (TMTM) boýunça ýük daşamalaryň möçberi 2022-nji ýylda 2,5 esse artdy we 1,5 mln tonna deň boldy – diýip, TMTM assosiasiýasynyň mejlisiniň netijeleri boýunça The Astana Times habar berýär.
Turkish airlines awiakompaniýasy Türkiýäniň ejir çeken etraplaryna 177 uçuşy amala aşyryp, ol ýerden 82 müň adamy çykardy – diýip, Türkiýäniň Türkmenistandaky ilçihanasynyň KHBS-i üçin maglumatynda aýdylýar.
Penşenbe güni, 9-njy fewralda Türkmenistanyň Döwlet haryt-çig mal biržasyndaky söwdalaşyklarda jemi bahasy $24 mln amerikan dollaryna we 12,6 mln türkmen manadyna deň bolan 10 geleşik baglaşyldy – diýip, ORIENT-iň habarçysy habar berýär.
23-24-nji martda Sankt-Peterburgyň Tawriýa köşgünde «Sagdyn jemgyýet» atly forum geçiriler, onda GDA ýurtlaryndan bolan öňdebaryjy bilermenler bir ýere jemlener – diýip, Arkalaşygyň Ýerine ýetiriji komitetiniň saýty habar berýär.
Ýewropanyň täzeleniş we ösüş banky bäsleşik yglan etdi AgVenture, onuň ýeňijileri öz telekeçilik işlerini meşhur etmek üçin grantlary, maslahat kömeklerini we mümkinçilik alyp bilerler - diýip, ÝTÖB-nyň ýaýradan maglumatynda habar berilýär.
9-njy fewralda “Gazprom”-yň ýolbaşçysy Alekseý Miller hem-de Gazagystanyň we Özbegistanyň energetika ministrleri gaz pudagynda üçtaraplaýyn gatnaşyklaryň mümkinçiliklerini ara alyp maslahatlaşdylar diýip, “Gazprom” habar berýär.
Türkmenistanda möhüm syýasy-jemgyýetçilik möwsüme—Mejlisiň deputatlarynyň, welaýat, etrap we şäher halk maslahatlarynyň, Geňeşleriň agzalarynyň ýetip gelýän saýlawlaryna taýýarlyk işleri depginli dowam edýär. Ýerlerde okrug saýlaw komitetleri işleýär, şeýle hem uçastok saýlaw toparlary döredildi, olaryň işgärleri üçin okuw maslahatlary geçirilýär. 26-njy martda geçirilmegi meýilleşdirilen bu çäre türkmen jemgyýetini mundan beýläk-de demokratiýalaşdyrmagyň, halk häkimiýetliligi ýörelgelerini pugtalandyrmagyň ýolunda ädilen täze anyk ädim bolar.
