Brodweýiň mukamy Aşgabadyň tomaşaçylaryny maýyl etdi
Anna güni Aşgabatda Mukamlar köşgünde brodweýli artistler Keýt Bassyň we Aarong Ýangyň gatnaşmagynda konsert geçirildi. Bilelikdäki aýdym-saz çykyşyna dirižýor Resul Glyjowyň ýolbaşçylygyndaky Türkmenistanyň Döwlet simfoniki orkestri, şeýle hem Maýa Kulyýewa adyndaky Türkmen milli konserwatoriýasynyň talyplary we Döwlet horunyň artistleri gatnaşdylar.
Konsert maksatnamasynda “Westsaýdskaýa istoriýa”, “Prizrak opery”, “Piraty Karibskogo morýa” diýen we beýleki uly meşhurlyga eýe bolan brodweý mýuzikllaryndan eserler ýaňlandy. Amerikan artistleri köp kompozisiýalary türkmen sazandalary bilen bilelikde ýerine ýetirdiler.
“Bileşen Ştatlaryň ilçihanasy “Amerikan sazlary daşary ýurtlarda” atly maksatnamanyň çäklerinde Aşgabada gelen iki sany meşhur ýerine ýetirijiler Keýt Bossyň we Aarong Ýangyň gatnaşmagynda brodweý sazlarynyň türkmen-amerikan konsertini Aşgabadyň jemgyýetçiligine uly höwes bilen görkezýär. Bir hepdäniň dowamynda artistler döwlet orkestri we beýleki türkmen sazandalary bilen taýýarlyk görüp, medeniýetara gatnaşyklaryny hem-de konsertler, bilelikdäki çykyşlar, leksiýalar we okuw maslahatlary arkaly adamalryň arasynda aragatnaşyklary ýola goýdular” diýip, konsertiň açylyşynda ABŞ-nyň Türkmenistandaky ilçisi Mettýu S. Klimou belledi.
Brodweýli artistler “Amerikan sesleri” diýen Assosiasiýa tarapyndan utgaşdyrylýan ABŞ-nyň Döwlet departamentiniň “Amerikan sazlary daşary ýurtlarda” atly maksatnamasy boýunça Türkmenistana geldiler. Taslamanyň maksady – medeniýetara gatnaşyklary ýola goýmakdan we Amerikanyň baý saz sungatyny dürli ýurtlaryň diňleýjilerine ýetirmekden ybarat.
ORIENT news
