24-28-nji awgust aralygynda Daşkentde (Özbegistan) geçirilen EAST CUP & OLYMPIC STARS döredijilik gimnastikasy boýunça halkara ýaryşda türkmen türgenleri 12 altyn, 7 kümüş we 1 bürünç —20 medal gazandylar. Bu barada ORIENT-iň habarçysyna ýurdumyzyň bedenterbiýe we sport barada döwlet komitetinde habar berdiler.
Türkmenistanyň futbol boýunça Ýaşlar ýygyndy topary 2024-nji ýylyň Aziýa kubogynyň saýlama oýunlaryna taýýarlanýar. 27-nji awgustdan 4-nji sentýabr aralygynda ol Hytaýyň Dalian şäherinde okuw-türgenleşik ýygnanyşygyny, şeýle-de iki ýoldaşlyk duşuşygyny geçirer.
Hançžouda 23-nji sentýabrdan 8-nji oktýabra çenli geçiriljek Aziýa oýunlarynyň öňüsyrasynda guramaçylar ýaryşlaryň resmi gimnini hödürlediler. Ol “Biziň paýlaşýan söýgimiz” atly dostlugyň, parahatçylygyň we sport ruhynyň gymmatlyklaryna bagyşlanan aýdym boldy.
Aktau (Gazagystan) şäherinde 23-nji awgustdan 26-njy awgusta çenli geçirilen halkara ýaşlar ýaryşynda türkmen türgenleri alty – bir altyn, iki kümüş we üç bürünç medallary aldylar.
At münmek boýunça dünýä çempionaty anna güni Moskwanyň MÝGS-de milli atçylyk däpleri merkeziniň taryhy aýlawynda başlandy. Iki gün dowam etjek ýaryşa - Russiýa, Belarus, Indoneziýa, Gazagystan, Mongoliýa, Pakistan, Saud Arabystany, Türkiýe we Fransiýa ýaly 9 ýurtdan çapyksuwarlar gatnaşýar. Üç adamdan ybarat topar ýa-da aýratyn ýaryşda bir wekil söweş meýdanyna çykar diýip, MYGS-niň metbugat merkezniň habarynda aýdylýar.
AFK Çempionlar ligasyndaky "Ahal"-yň oýunlarynyň senenamasy kesgitlenildi. Türkmen topary Özbek "Pahtakor"-y, Saud Arabystanynyň "Al-Feýh"-i we Birleşen Arap Emirliklerinden "Al-Aýn"- y bilen bilelikde "A" topary döretdi.
Türkmenistanyň Milli ýygyndy toparynyň dzýudoçysy Dilara Kandymowa 23-27-nji awgust aralygynda Zagrebde (Horwatiýa) geçirilýän Ýaşlar dünýä çempionatynda bürünç medala eýe boldy.Türgen 40 kilograma çenli agram derejesinde bürünç medal aldy. Deslapky tapgyrda Kandymowa azerbaýjanly Nigär Mämişowany ýeňmegi başardy.
Türkmenistana gelen «Abu Dabi» klubynyň welosiped sürijileri Türkmen döwlet bedenterbiýe institutyna baryp gördüler we ol ýerde Olimpiýa sporty fakultetiniň barlaghanalaryna gezelenç guraldy. Bu ýerde türgenleriň funksional mümkinçiliklerini – olaryň nahili ýagdaýdadygyny kesgitläp bolýar. Bu gözlegleriň netijesi geljekde halkara ýaryşlaryna taýýarlanmaga kömek edýär.
Türkmen sambistleri 21-24-nji awgustda Çolpon-Ata (Gyrgyzystan) şäherinde geçirilen dünýä çempionatynda bäş medal - bir kümüş we dört bürünç gazandylar.
Türkmenistanyň milli futbol topary Indoneziýa we Bahreýn toparlary bilen dostlukly oýunlar geçirmegi meýilleşdirýär. Bu barada ORIENT-iň habarçysyna ýurdumyzyň sportyň şu görnüşiniň wekilleri habar berdiler.
Dünýäniň esasy futbol ýyldyzlarynyň Ýewropadan Aziýa, hususan-da, Saud Arabystanyna geçmegi Ýewropa futbol ligalaryna gyzyklanmalary peseltse-de, bu ýagdaý Aziýa sebitinde futbolyň ösmegine ýardam etdi.
Şu gün, 23-nji awgustda, Türkmenistanyň futbol çempionatynyň 15-nji tapgyry geçiriler. Paýtagtyň ýaşaýjylary we myhmanlary "Aşgabat" bilen "Ahal"-yň arasyndaky oýna gatnaşmaga mümkinçilik alarlar.
"Barselona" rowaýatlaryna garşy oýnamaga Merkezi Aziýanyň futbol rowaýatlarynyň düzüminde türkmenleriň öňki futbolçylary Amandurdy Annadurdyýew we Ýazguly Hojageldiýew gatnaşar.
Türkmenistanyň "Merw" topary Aziýanyň möhüm klub ýaryşlarynyň biri – AFK kubogynyň toparçalaýyn tapgyryna çykmaga hukuk berýäb duşuşykda täjigistanly "Hujandy" üstünlikli ýeňmegi başardy.
11-17-nji sentýabr aralygynda Gazagystanyň Şymkent şäherinde tennis boýunça 12 ýaşa çenli çagalaryň arasynda geçiriljek Aziýa çempionatynyň jemleýji tapgyryna Türkmenistanyň ýaşlar ýygyndy topary gatnaşar.
