Özbegistan bilen Gyrgyzystanyň hökümetleri iki ýurduň raýatlarynyň içerki resminamalar boýunça biri-birine syýahat etmegine mümkinçilik berýän özara saparlar baradaky ylalaşyga üýtgetme girizdiler – diýlip, UzA Milli habarlar agentligi anna güni habar berdi.
Türkmenistanyň ýokary synp okuwçylary - ýurduň umumybilim berýän mekdepleriniň 9-11-nji synp okuwçylary paýtagtdaky D.Azady adyndaky Milli dünýä dilleri instituty tarapyndan geçiriljek iňlis dili boýunça Milli olimpiada gatnaşyp bilerler.
Belarussiýadaky mekdep naharhanalaryny häzirkizaman, howpsuz we okuwçylar üçin iň amatly iýmit bilen üpjün edilip başlanar. BELTA-nyň habar bermegine görä, aşpezlik taslamasy ýurduň 21 mekdebinde synag tertibinde ýola goýuldy.
20 güne golaý dowam eden Türkmenistandaky çenden aşa sowuk howa indiki hepde maýlar. Käbir ýerlerde howa +20 derejä çenli maýlar – diýip, «Meteožurnal» ýazýar.
Russiýanyň prezidenti Wladimir Putin degişli federal kanuna gol çekmek bilen, Russiýa bilen Belorussiýanyň arasyndaky wizalary özara ykrar etmek hakynda ylalaşygy tassyklady. Ylalaşyk belorus wizasy bolan daşary ýurtlylara Russiýada bolmaga, Russiýanyň wizasy bolanlara bolsa – Belorussiýada bolmaga mümkinçilik berýär.
«Türkmenistan» awiakompaniýasy uçuşlaryň täze rejenamasyny mälim etdi, oňa laýyklykda 1-nji fewraldan başlap ähli halkara uçuşlar Aşgabadyň Halkara howa menzilinden amala aşyrylar.
Saud Arabystany şu ýyl haj zyýaratyny amala aşyrmak üçin 2 million zyýaratçyny kabul etmäge taýýardyr. Bu barada haj we umry ministri Taufik bin Fauzan Al-Rabia beýan etdi.
Saglygy goramak boýunçä däp bolup gelýän türkmen-german forumy şu günlerde onlaýn görnüşde iki ýurduň lukmançylyk ugry boýunça hünärmenleriniň gatnaşmagynda geçýär – diýip, resmi türkmen metbugaty habar berýär.
Zorlukly ekstremizmiň öňüni almak boýunça başlangyçlary durmuşa geçirmekde pudagara çemeleşme Türkmenistanyň Zähmet we durmuş taýdan goramak ministrliginiň we BMG-niň Ösüş Maksatnamasy tarapyndan guralan seminarynyň barşynda ara alnyp maslahatlaşyldy – diýlip, guramanyň beýanatynda habar berilýär.
Penşenbe güni Maryda geçirilen ýurdumyzyň Ministrler Kabinetiniň göçme mejlisinde çykyş edip, wise-premýer, daşary işler ministri Raşid Meredow türkmen ýokary okuw mekdepleriniň ýanynda daşary ýurtlaryň ýokary okuw mekdepleriniň şahamçalaryny açmak baradaky meseleleri öwrenmegi teklip etdi.
200 jiltden ybarat bolan Uly russiýa ensiklopediýasynyň (URE) elektron görnüşini bir fleş diskde jübüde göterip bolar. M.W.Lomonosow adyndaky Moskwanyň Döwlet uniwersiteti URE-nyň sanly neşirini döretmek taslamasyna ýolbaşçylyk eder. TASS habarlar agentliginiň habar bermegine görä, bu barada MDU-niň rektory Wiktor Sadowniçiý, däp bolşy ýaly, her ýyl 25-nji ýanwarda Tatýana güni Moskwanyň döwlet uniwersitetiniň 268 ýyllyk ýubileýine bagyşlanyp geçirilýän dabaraly mejlisde mälim etdi.
Tatarstanyň Döwlet Geňeşiniň deputatlary respublikanyň konstitusiýasyna sebitiň iň ýokary wezipeli şahsynyň adyny prezidentden "Tatarstan Respublikasynyň baştutany – raisi” adyna üýtgetmek barada girizilen üýtgetmeleriň täze görnüşini kabul etdiler. Bu üýtgetmeler, Tatarstanyň häzirki baştutanynyň ygtyýarlyk möhletiniň gutarýandygyny hasaba almazdan, kabul edilen dessine güýje girer.
GDA-nyň Ýerine ýetiriji komitetinde 2023-nji ýylda GDA ýurtlarynyň Halklarynyň dostluk festiwalyny guramak we geçirmek boýunça iş maslahaty geçirildi. Bu barada Garaşsyz döwletler arkalaşygynyň ýerine ýetiriji komitetiniň internet saýtynda habar berilýär.
22-nji ýanwarda başlanan aý senenamasy boýunça hytaý Täze ýylyny diňe bir Hytaýyň ýaşaýjylary däl-de, eýsem bütin dünýäde belläp geçýärler. CGTN kanalynyň habar bermegine görä, bahar baýramy bilen bu günlerde birek-biregi Kanadada, Braziliýada, Beýik Britaniýada, Italiýada we beýleki ýurtlarda gutlaýarlar.
Aşgabadyň dilleri çuňlaşdyryp öwredilýän ýöriteleşdirilen 87-nji orta mekdebiniň okuwçylary 2023-nji ýylyň başynda geçirilen halkara olimpiadalarynyň birnäçesinde baýrakly orunlaryň eýeleri boldular – diýip, şu gün «Neýtralny Turkmenistan» gazeti ýazýar.
