GDA agza-ýurtlaryň wekilleri ýaşlar syýasatynyň meselelerini ara alyp maslahatlaşdylar
GDA agza-ýurtlaryň «GDA üçin 100 pikir» («100 идей для СНГ») atly Halkara ýaşlar taslamasynyň halkara tapgyryna taýýarlanmagyň meseleleri Arkalaşyga agza-döwletleriň ýaşlar boýunça Geňeşiniň mejlisiniň barşynda Bişkekde ara alnyp maslahatlaşyldy.
Wekiller şeýle hem kibersport boýunça «Arkalaşygyň ýaşlar kibersport oýunlary» ýaryşynyň iki tapgyryny guramaklyga garadylar, şeýle hem GDA agza-döwletleriň ýaşlar jemgyýetçilik guramalarynyň nobatdaky Forumyna taýýarlanmagyň meselelerine garadylar.
Gatnaşyjylar GDA-nyň giňişliklerinde ýaşlar we talyp syýahatçylygy Maksatnamasynyň ýerine ýetirilişiniň gidişi barada habardar edildiler, ýaşlaryň Bütindünýä festiwalyny we uniwersitet sportunyň Halkara festiwalyny geçirmek boýunça taýýarlygyň çäklerindäki işler barada habardar edildiler.
Geňeş şeýle hem GDA ýurtlarynda ýaşlar telekeçiliginiň ösüşi boýunça Maksatnamany makullady.
Geňeşiň nobatdaky mejlisi üstümizdäki ýylyň oktýabrynda GDA agza-döwletleriň «GDA üçin 100 pikir» Halkara taslamasynyň jemleýji tapgyrynyň çäklerinde Minskide geçiriler.
ORIENT habarlar
