Türkmenistan Astrahanyň Hazar ýokary okuw mekdebinde hünärmenleri taýýarlamagy meýilleşdirýär
Türkmenistanyň Astrahandaky konsuly Nury Gölliýew oblastyň daşary aragatnaşyklar ministri Wladimir Golowkow bilen gepleşikleri geçirdi, onuň barşynda taraplar ylmy-bilim hyzmatdaşlygyny ösdürmäge gyzyklanma bildirdiler – diýip, türkmen konsullygynyň metbugat gullugy habar berýär.
General-admiral F.M.Apraksin adyndaky Hazar deňiz we derýa ulaglary institutynda geçen duşuşyga ýokary okuw mekdebiniň direktory gatnaşdy. Wekilleriň arasynda Türkmenistandan bu ugurdan hünärmenleri taýýarlamak babatynda hyzmatdaşlygy pugtalandyrmak boýunça pikir alşyldy.
Astrahanyň bu ýokary okuw mekdebine saparynyň barşynda konsuly okuw işleri we maddy-tehniki binýady bilen tanyşdyrdylar, onuň işlemeginiň maksady suw ulagy babatynda hünärmenleri taýýarlamakdyr.
Saparyň jemleri boýunça ylym-bilim babatynda ikitaraplaýyn hyzmatdaşlygy kämilleşdirmäge gönükdirilen esasy ugurlar bellenildi, şeýle hem hyzmatdaşlygy pugtalandyrmaga ynam beýan edildi.
ORIENT habarlar
