2024-nji ýylyň 23-nji ýanwarynda Türkmenistanyň Gruziýadaky ilçihanasynyň binasynda 2024-nji ýyl – «Pähim – paýhas ummany Magtymguly Pyragy» şygaryna bagyşlanan tegelek stol geçirildi.
23-nji ýanwarda Garaşsyz Döwletleriň Arkalaşygynyň Minsk şäherinde ýerleşýän ştab-kwartirasynda Russiýa Federasiýasynyň başlyklyk etmeginde agza döwletleriň Arkalaşykdaky hemişelik ygtyýarly wekilleriniň geňeşiniň mejlisi geçirildi.
“BELJI” ýapyk görnüşli ätiýaçlyk paýdarlar jemgyýetine (SZAO) amala aşyran saparynyň dowamynda Prezident Aleksandr Lukaşenko “Belgee X50” modelli awtoulaglaryň binýadynda 2025-nji ýylyň 1-nji ýanwaryndan täze elektrik ulaglaryň önümçiligine başlamagy wezipe edip goýdy.
Aşgabat şäheriniň Büzmeýin etrabynda we Ahal welaýatynyň Ak bugdaý etrabynda Polisiýanyň ýol gözegçligi gullugynyň awtoulaglaryň tehniki ýagdaýyny anyklaýyş we hasaba alyş toparynyň täze edara binalary dabaraly açyldy.
Milli ähmiýetli şäher durnukly ösüş üçin ýene bir ädim ätdi - söwda hyzmatlarynda daşky gurşawa az täsir edýän elektrik ulaglary ulanylyp başlandy. Bu barada «Awtomobil ulag hyzmaty» AGPJ özüniň resmi web sahypasynda habar berýär.
Beýik Saparmyrat Türkmenbaşy adyndaky Harby instituty 2024 – 2025-nji okuw ýyly üçin talyplyga dalaşgärleriň resminamalarynyň kabul edilip başlanandygyny habar berýär.
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň geçen ýylyň tomsunda çykan “Ömrümiň manysynyň dowamaty” atly kitaby ýapon dilinde neşir edildi.
Owganystanyň Hyrat welaýatynda ýerleşýän Türkmenistanyň Baş konsullygy Prezident Serdar Berdimuhamedowyň "Ýaşlar - Watanyň daýanjy" atly kitabyna bagyşlanan tanyşdyrylyş dabarasyny geçirdi.
2021-nji ýylda Halkara Ahalteke atçylyk hem-de Halkara «Türkmen alabaý itleri» assosiasiýalarynyň Prezidenti Serdar Berdimuhamedow tarapyndan Tatarystan Respublikasynyň Baştutany Rustam Minnihanowa sowgat berlen «Ak dost» («Akdus») atly türkmen alabaýy «Merkezi Aziýa owçarkasy» diýen ýaryşda iki ugur boýunça Russiýanyň çempiony boldy.
1-nji martda Gazagystanda bitewi sagat guşaklygy giriziler. Bu barada ýurduň Söwda we integrasiýa ministrliginiň metbugat gullugy habar berýär.
20-nji ýanwarda daşary işler ministri Raşid Meredowyň başlyklyk etmeginde ÝUNESKO-nyň işleri baradaky Türkmenistanyň Milli toparynyň nobatdakay mejlisi geçirildi.
Prezident Serdar Berdimuhamedow, anna güni geçirilen Hökümet mejlisinde "Türkmenistanda kiberhowpsuzlygy üpjün etmek boýunça işleri güýçlendirmek üçin ýerine ýetirilmeli çäreler barada" Karara gol çekdi.
Almatynyň howa menziliniň täze halkara terminalynyň açylyşy 2024-nji ýylyň iýun aýyna meýilleşdirildi. Bu barada Gazagystanyň hökümetiniň metbugat gullugy habar berýär.
Dünýä tertibi düýpli özgerişleri başdan geçirýär. Hytaýyň ornunyň barha artmagy, görlüp-eşidilmedik nebit we gaz akymlary, dünýä ykdysadyýetinde dollaryň ähmiýetiniň pese gaçmagy (dedollarizasiýa) we geosyýasy wakalaryň netijesinde täze bazarlaryň döremegi – bularyň ählisi kynçylyklary, şol bir wagtyň özünde hem täze mümkinçilikleri döredýär. Ýewropa dünýädäki täsirini dowam etdirmek üçin bu özgerişlere uýgunlaşmalydyr.
Türkmenistanyň Ermenistan Respublikasyndaky Adatdan daşary we Doly ygtyýarly ilçisi M.Aýazowyň Ermenistan Respublikasynyň daşary işler ministriniň orunbasary M.Safarýan bilen duşuşygy geçirildi.
