Ýeňiş gününiň öňüsyrasynda Hazarýaka ýurtlarynyň, şol sanda Türkmenistanyň, Gazagystanyň we Eýranyň diplomatlary Doganlyk bagynda «Baky şöhrat ody» ýadygärligine gül desselerini goýdular. Olar Beýik Watançylyk urşunyň gahrymanlaryny bir minutlyk dymyşlyk bilen hatyraladylar diýip, Astrahan oblastynyň dolandyryş edaralarynyň portalynda habar berilýär.
Beýik Watançylyk urşunyň gahrymanlarynyň hormatyna Türkmenistanda gurnalýan çäreleriň çäklerinde «Türkmenaragatnaşyk» agentliginiň edara-kärhanalarynda zähmet çeken uruş weteranlaryna, paýhasly ýaşululara, mukaddes ojaga wepaly enelere Türkmenistanyň Prezidentiniň adyndan pul sylaglary, gymmat bahaly sowgatlar we ajaýyp ýaz gülleri gowşuryldy.
A.S.Puşkin adyndaky türkmen-rus mekdebiniň topary Beýik Watançylyk urşunda gazanylan Ýeňşiň hakyky nyşany hasaplanýan aýdymy ýerine ýetirdi, bu Ýeňiş gününe özboluşly sowgat boldy.
"Halkara nahar festiwaly" 4-nji maýda Aşgabat Halkara Mekdebinde geçirildi. Azerbaýjanyň Türkmenistandaky Ilçihanasy festiwalda öz ýurduna wekilçilik etdi.
Birleşen Arap Emirlikleriniň Milli meteorologiýa merkeziniň çaklamalaryna görä, şu hepde ýurduň käbir sebitlerinde tupanly howanyň bolmagy mümkin.
Maý aýyndan başlap hepdäniň her sişenbe güni “Türkmenistan” awiakompaniýasy Aşgabat - Kuala-Lumpur - Aşgabat ugry boýunça goşmaça ikinji uçuşy amala aşyrar.
Aşgabatdaky «Arkaç» söwda dynç alyş merkezinde СZN Burak ady bilen belli bolan türk aşpezi Burak Özdemiriň restorany açylar.
Amerikanyň Birleşen Ştatlarynyň Halkara Ösüş agentliginiň (USAID) Döwleti dolandyryş ulgamynyň kämilleşdirilmegine ýardam bermek (GSP) taslamasy Türkmenistanyň körler we kerler jemgyýetiniň (TKKJ) alty sany surdoterjimeçisi üçin Gazagystana okuw saparyny gurnady. 12-nji we 22-nji aprel aralygynda geçirilen bu sapar Türkmenistanda eşidiş ukyby pes bolan adamlara has-da gowy hyzmat etmekleri üçin surdoterjimeçileriň başarnyklaryny kämilleşdirmäge gönükdirildi.
Şanhaýyň jemgyýetçilik ulaglary ulgamy, şol sanda metro, awtobuslar we paromlar syýahatçylara daşary ýurt banklarynyň kartlary bilen tölemek mümkinçiligini hödürläp başlady.
Şu gün Türkmenistanyň Bilim ministrligi tarapyndan yglan edilen Astrahan oblastynyň Priwolžskaýa raýonynyň Funtowa obasynda ýerleşýän Magtymguly Pyragy adyndaky mekdebiniň 8-nji we 9-njy synp okuwçylarynyň arasynda Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygy mynasybetl «Pähim-Paýhas ummany Magtymguly Pyragy» atly temadan esse ýazmak bäsleşiginň jemi jemlendi. Mekdep okuwçylary bu bäsleşikde pikirlerini beýan edmek üçin beýik söz ussadymyz Magtymguly Pyragynyň döredijiligini beýan edmek üçin köp okap taýýarlanandyklaryny görmek bolýar.
Türkmenistanyň Saglygy goraýyş we derman senagaty ministrliginiň derman serişdelerini bellige almak we döwlet gözegçiligi merkezi kyrkbogun ösümliginiň farmakopeýasyny bellige aldy.
25-nji aprelde Russiýada talyp peteklerini we hasaba alyş kitapçalaryny elektron görnüşine geçirmek boýunça synag çäresine badalga berler. Bu baradaky degilşi karara premýer-ministr Mihail Mişustin gol çekdi diýip, RF-iň Hökümetiniň metbugat gullugy habar berýär.
Türkmenistanyň Mejlisiniň wekiliýeti 21-27-nji aprelde Gruziýada sapar bilen bolýar. Saparyň çäklerinde ýurdumyzyň wekiliýet agzalarynyň Gruziýanyň parlamentinde Býujet we maliýe boýunça kabinetiň başlygynyň birinji orunbasary Gogi Meşweliany we bu komitetiň hünärmenleri bilen tanyşlyk duşuşygy boldy.
Garagalpagystanda ozal Aral deňziniň eýelän ýerlerinde bal öndürmegi meýilleşdirýärler diýip, «Westnik Kawkaza» maglumat-seljeriş agentligi habar berýär.
«Boeing» kompaniýasy 2030-njy ýyla çenli uçarmansyz uçýan taksileri bilen Aziýanyň bazarlaryna çykmagy maksat edinýär diýip, Ýaponiýanyň iň iri mediakorporasiýalarynyň biri bolan «Nikkei Asia» «Boeing» kompaniýasynyň tehniki direktory Todd Sitronyň sözlerine salgylanyp habar berýär.
