Türkmenistandan «Laçyn» folklor kollektiwi Azerbaýjanyň Şuşa şäherinde geçirilen «Harybülbül» halkara festiwalynda çykyş eden iň gowy topar boldy. Bu barada şu gün resmi türkmen metbugaty ýazýar.
Eýran hünärmeni Reza Ýazdani Türkmenistanyň erkin göreş boýunça ýygyndysynyň baş tälimçisi edilip bellenildi.
Dikeldiş işlerinden soňra Stambulyň gyz galasy (Kyz Külesi) gelip görýänler üçin ýene-de öz gapylaryny açdy. Bosfor bogazyndaky adada ýerleşýän gala indi ýadygärlik we muzeý hökmünde işlär.
Türkiýäniň Antalýasynda durnukly syýahatçylyk boýunça bütindünýä maslahaty (GSTC 2023) geçdi – diýip, Türkiýäniň Türkmenistandaky ilçihanasy habar berýär.
Içerki bazarda nebit önümleriniň durnukly üpjün edilmegi üçin Özbegistanyň prezidenti Şawkat Mirziýoýew ýurtda bir million tonna benziniň we dizel ýangyjynyň ätiýaçlygyny döretmegi tabşyrdy. Bu barada döwlet baştutanynyň metbugat gullugy habar berýär.
Penşenbe güni, 11-nji maýda Türkmenistanyň Döwlet haryt-çig mal biržasyndaky söwdalaşyklarda daşary ýurda suwuklandyrylan gazy ibermek boýunça geleşik baglaşyldy.
Türkmenistanda ýurtda ilkinji gezek geçirilen Falling Walls Lab halkara platformanyň innowasion taslamalarynyň bäsleşiginiň ýeňijileri belli boldy.
Türkmenistanyň Ukrainadaky ilçihanasy Wýaçeslaw Çernowol adyndaky 235-nji mekdep we Kiýewiň Magtymguly adyndaky kitaphanasy bilen bilelikde türkmeniň nusgawy şahyry Magtymguly Pyragynyň 300 ýyllygyna bagyşlap medeni-bilim çäresini gurady.
Amerikan telekeçisi Ilon Mask Twitteriň mikrobloklar serwisiniň baş direktory wezipesini terk eder. Bu barada ol sosial torlardaky özüniň hasabynda habar berdi.
Gazagystanyň ýokarky palatasynyň deputatlary «GDA agza-döwletleriň maglumat-telekommunikasion torlarda awtorlyk hukugynyň we gatyşyk hukuklaryň obýektine howpsuzlygy we goragy boýunça hyzmatdaşlyk hakynda Ylalaşygy tassyklamak hakynda» Kanuny tassyklady. Gazagystanyň parlamentiniň aşaky palatasy bu kanuny 20-nji aprelde kabul etdi.
«Türkmenhimiýa» döwlet konserni ammiak wagon-sisternalaryny, demir ýol ýarym-wagonlary, şeýle hme mineral dökünler üçin wagonlary satyn almak üçin halkara tender-bäsleşigini yglan etdi. Bu baradaky maglumaty resmi türkmen metbugaty ýaýratdy.
Owganystanyň Energetika we suw serişdeleri ministriniň wezipesini ýerine ýetiriji Abdul Latif Mansur TAP (Türkmenistan—Owganystan—Pakistan) elektrik geçirjileriň liniýasy taslamasyny ýerine ýetirmek boýunça üçtaraplaýyn gepleşikleri işjeňleşdirmegi meýilleşdriýändigini beýan etdi.
Gyrgyzystanyň Milli energiýa holdinginiň müdiriýetiniň baştutany Talaýbek Baýgaziýew sarp etmäniň artan halatynda respublikanyň Türkmenistandan we Russiýadan elektrik energiýasynyň importyny artdyrmaga taýýardygyny beýan etdi – diýip, GDA-nyň Energiýa geňeşi habar berýär.
Türkmenistanyň Maliýe we ykdysadyýet ministrligi Germaniýanyň Ykdysadyýet we howany goramak federal ministrligi bilen bilelikde hususy pudagyň dolandyryjylaryny dolandyryjy işgärleriň hünärini ýokarlandyrmak Maksatnamasynyň çäklerindäki okuwa 2023-nji ýyl üçin dalaşgärleri seçip almak üçin söhbetdeşlik geçmäge çagyrýar.
Türkmenistanyň Mary welaýatynda ýerleşýän «Kelleli» täze gaz ýatagy hünärmenleriň hasaplamalaryna görä, ol ýerden her gije-gündizde ýarym million kub metrden gowrak gazy çykarmaga mümkinçilik berer – diýip, «Türkmenistan» gazeti habar berýär.
