Türkmenistanyň Ministrler Kabinetiniň ýanyndaky Ulag we kommunikasiýalar agentliginiň başlygy Mämmethan Çakyýew Kazanda boljak «Russiýa-Yslam dünýäsi: KazanForum» Halkara ykdysady forumynda ýurdumyzyň wekiliýetine baştutanlyk eder – diýip, Türkmenistanyň Kazandaky Baş konsullygy habar berýär.
Telly amerikan kompaniýasy ýurduň raýatlaryna tölegsiz paýlanyljak 55 dýuýmly telewizory hödürledi. Tomaşaçylar mahabatlara hemişelik tomaşa etmek arkaly onuň tölegini tölärler.
Türkmenistanyň, Gazagystanyň we Azerbaýjanyň «Sanly Ýüpek ýoluny» döretmek boýunça bilelikdäki taslamasy maglumatlaryň Merkezi Aziýa sebitinden Ýewropa berilmeginiň tizleşdirilmegine ýardam edýär.
19-njy maýda Aşgabadyň gazna biržasynyň (AGB) hünärmenlerinden «Gymmatbahaly kagyzlaryň bazarynyň infrastrukturasy» temasy boýunça täze okuw kursy başlanýar.
Türkmenistanyň futbol boýunça ýaşlar ýygyndysynyň (U-20) 21-nji maýdan 28-nji maýa çenli Duşenbede we Tursunzadede (Täjigistan) geçiriljek Merkezi Aziýanyň Futbol birleşmesinde dördünji çempionatyndaky bäsdeşleri belli boldy.
Almatyda Türkmenistanyň Maliýe we ykdysadyýet ministrliginiň wekilleriniň gatnaşmagynda söwda amallaryny ýönekeýleşdirmek boýunça Central Asia Gateway sebitleýin portalyna hem-de eksport we halkara söwdasy boýunça okuw maksatnamasyna badalga berilmegine bagyşlanan metbugat maslahaty geçirildi.
Milliarder Ilon Maskyň Tesla amerikan kompaniýasy eýýäm 2023-nji ýylda sürüjisiz hereket edip bilýän elektromobilleriň önümçiligine girişip biler.Bu barada Teslanyň baştutany CNBC teleýaýlymyna beren interwýusynda beýan etdi.
Türkmenistanyň wekiliýeti Gaagada, Niderlandlarda geçirilýän Himiki ýaraglary gadagan etmek boýunça Konwensiýa garamak boýunça Bäşinji maslahata gatnaşýarlar.
ORIENT Aşgabatda 17-nji maýdan 21-nji maýa çenli geçjek medeni çäreleriň anonsyny hödürleýär.
Türkmenistanyň talyplarynyň ýygyndysy Geýdar Aliýewiň 100 ýyllyk ýubileýine bagyşlanan halkara basketbol ýaryşynyň bürünç medalyny gazandy.
Türkmen kikboksýorlary 18-nji maýdan 21-nji maý aralygynda Stambulda (Türkiýede) geçjek dünýä Kubogynda çykyş ederler. Ýaryşyň guramaçysy bolup Kikboksing guramalarynyň bütindünýä birleşmesi (WAKO) çykyş edýär.
Hytaýyň Sian şäheriniň belent ymaratlary «Merkezi Aziýa-Hytaý» birinji ýüzbe-ýüz sammitiniň myhmanlaryny garşylaýan iýeroglifleriň şekilleri düşürilen illýuminasiýalar bilen öwşün atdylar – diýip, CGTN habar berýär.
FIFA-nyň sebitleýin tehniki utgaşdyryjysy Gaýoz Darsadze (Gruziýa) 17-19-njy maýda iş sapary bilen Türkmenistana geler.
Merkezi Aziýa ýurtlary we Hytaý bilelikdäki Işewürlik geňeşini esaslandyrarlar. Bu barada halkara söwdasyna goldaw bermek boýunça Hytaý geňeşiniň wekili Ýan Sýaszýun beýan etdi – diýip, «Sinhua» MA habar berýär.
16-njy maýda BMG-niň Baş Assambleýasynyň Türkmenistan tarapyndan başlangyç berlen gün tertibiniň 61-nji bendi «Merkezi Aziýada parahatçylygyň, ynamyň we hyzmatdaşlygyň zolagy» boýunça çekişmeleri boldy. Bu barada Türkmenistanyň BMG-niň ýanyndaky hemişelik wekilhanasynyň saýtynda habar berilýär.
