Merkezi Aziýa ýurtlary we Hytaý Işewürlik geňeşini dörederler
Merkezi Aziýa ýurtlary we Hytaý bilelikdäki Işewürlik geňeşini esaslandyrarlar. Bu barada halkara söwdasyna goldaw bermek boýunça Hytaý geňeşiniň wekili Ýan Sýaszýun beýan etdi – diýip, «Sinhua» MA habar berýär.
Türkmenistanyň, Gazagystanyň, Özbegistanyň, Gyrgyzystanyň, Täjigistanyň we Hytaýyň işewürler toparlarynyň gatnaşmagyndaky geňeş taraplaryň arasyndaky ykdysady hyzmatdaşlygy pugtalandyrmak üçin dörediler.
Geňeşiň açylyşy 18-19-njy maýda Hytaýyň Sian şäherinde boljak «Merkezi Aziýa-Hytaý» ilkinji ýüzbe-ýüz sammitiniň çäklerinde geçer. Çärä önümçiligiň we hyzmatlar pudagynyň dürli ugurlaryndaky pudaklaryň we kärhanalaryň 400-den gowrak wekilleri gatnaşar.
Işewürlik geňeşi ýurtlaryň arasynda energetika, gurluşyk, logistika, azyk önümçiligi, maglumatlar tehnologiýalary we aragnaşyk ýaly ugurlarda hyzmatdaşlygyň ösmegini ileri tutar.
ORIENT habarlar
