Türkmenistanyň IIM-niň ýangyn howpsuzlyk gullugy SMS arkaly TMCELL abonentlere yssy howa döwründe ýangyn howpsuzlygynyň düzgünlerini berjaý etmegiň möhümdigini ýatlatdy.
Türkmenistanyň Halk Maslahatynyň Başlygy Gurbanguly Berdimuhamedow iş sapary bilen Eýrana bardy. Tähranyň halkara howa menzilinde türkmen halkynyň Milli Liderini EYR-nyň resmi adamlary we Türkmenistanyň wekiliýetiniň agzalary garşy aldylar – diýip, TDH habar berýär.
Türkmen döwlet ykdysadyýet we dolandyryş institutynyň 5-nji ýyl talyby Gülnabat Saparowa her ýylky geçirilýän umumymilli bäsleşigiň çäklerinde «Ýylyň talyby» adyna mynasyp boldy – diýip, «Neýtralnyý Turkmenistan» gazeti habar berýär.
Türkmenistanyň konsuly Nury Gölliýewiň baştutanlygyndaky wekiliýet Astrahandaky Hazar ylym-bilim kongresine gatnaşýar, onuň barşynda hazarýaka sebitiniň wekilleri plenar maslahatlara we seminarlara gatnaşýarlar.
Duşenbe güni, 29-njy maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $1,7 mln amerikan dollaryna deň bolan 3 geleşik baglaşyldy - diýip, ORIENT-iň habarçysy habar berýär.
Maliýe we ykdysadyýet ministri Serdar Joraýew BB-nyň wekiliýetiniň baştutany bolup Aşgabada gelen Bütindünýä bankynyň (BB) Türkmenistandaky we Gazagystandaky täze hemişelik wekili bilen duşuşyk geçirdi.
Türkmen küştçüleri Merkezi Aziýa ýurtlarynyň arasynda küşt boýunça dünýä Kubogynyň final tapgyryna çykmak üçin zonal ýaryşa gatnaşýarlar.
Özbegistanyň Fergana welaýatynyň Margilan şäherinde «Beýik Ýüpek ýoly» atly halkara saz festiwaly başlandy – diýip, Özbegistanyň Milli maglumatlar agentligi habar berýär.
Türkmenistan bilen Azerbaýjanyň arasyndaky özara haryt dolanyşygy, 2021-nji ýyla garanyňda, 2022-nji ýylda 5 esse artdy we şu ýylyň başyndan bäri, geçen ýylyň degişli döwri bilen deňeşdirilende, takmynan 2 esse ýokarlandy. Bu barada wise- premýer Batyr Atdaew Azerbaýjan Respublikasynyň Garaşsyzlyk güni mynasybetli geçirilen dabaraly kabul edişlikde eden çykyşynda aýtdy.
Mejlisiň başlygy Dünýägözel Gulmanowa Polşa Respublikasynyň Türkmenistandaky täze ilçisi Rafal Poborskiden ynanç hatyny kabul etdi.
Özbegistanyň, Russiýanyň we Hindistanyň kinematograflary 1979-njy ýylda öndürilen “Ali Baba we kyrk garakçy” atly filmiň “gaýtadan işlenen” görnüşini düşürmek barada söhbet etdiler. Şol döwürde kino lentasy meşhur režissýorlar – russiýaly Latif Faýziýew we hindistanly Umeş Mehra tarapyndan düşürilipdi.
Prezident Serdar Berdimuhamedow Günorta Koreýanyň “Daewoo Engineering & Construction” kompaniýasynyň müdiriýetiniň başlygy Jong Won Joony kabul etdi.
Türkmenistanyň Bütindünýä Söwda Guramasyna goşulmagy bilen baglanyşykly hyzmatdaşlygyň güýçlendirilmegi meselesi duşenbe güni Aşgabatda Türkmenistanyň Daşary işler ministriniň wezipesini wagtlaýyn ýerine ýetiriji Wepa Hajyýew we BSG-e goşulmak boýunça bölüminiň müdiri Maýka Oşikawa bilen ara alnyp maslahatlaşyldy. Bilermen, Türkmen paýtagtyna iş sapary bilen geldi diýip, Türkmenistanyň Daşary işler ministrliginiň saýty habar berýär.
Türkmenistanyň Prezidenti Serdar Berdimuhamedowyň Amerikanyň Birleşen Ştatlarynyň Prezidentiniň howanyň üýtgemegi meseleleri boýunça ýörite wekili Jon Kerri bilen telefon arkaly söhbetdeşliginiň esasy mowzugy halkara daşky gurşaw gün tertibiniň möhüm meseleleri boldy.
Duşenbe güni Aşgabatda «Döwlet işgärleri üçin gender-ugry kesgitleme boýunça ýörite okuwlary işläp taýýarlamak» atly iki günlük seminar başlandy. Taslamanyň guramaçylary hökmünde Türkmenistan hökümeti bilen bilelikde BMGÖM we UNFPA çykyş etdi.
