Türkmen mugallymlary Hazar ylym-bilim kongresine gatnaşýarlar
Türkmenistanyň konsuly Nury Gölliýewiň baştutanlygyndaky wekiliýet Astrahandaky Hazar ylym-bilim kongresine gatnaşýar, onuň barşynda hazarýaka sebitiniň wekilleri plenar maslahatlara we seminarlara gatnaşýarlar.
Çekişmelere Myrat Garryýew adyndaky türkmen lukmançylyk uniwersitetiniň mugallymlar düzümi gatnaşýar. Bulardan başga-da, çärä Russiýanyň günorta sebitleriniň we Hazar bäşliginiň ýolbaşçy işgärleri, öňdebaryjy ýokary okuw mekdepleriniň professorlary gatnaşýarlar – diýip, Türkmenistanyň Astrahandaky diplomatik wekilhanasy habar berýär.
Forumyň maksatnamasynyň çäklerinde alymlar ýerine ýetiriji häkimiýetiň ýerli edaralary bilen gepleşikleri geçirerler.
Astrahan oblastynyň gubernatorynyň belleýşi ýaly, bu kongresiň geçirilmegi hyzmatdaşlygyň mundan beýläk-de ösdürilmeginiň girewi bolar we bilim babatynda bilermenler üçin ajaýyp platformanyň döremegine ýardam eder.
ORIENT habarlar
