Çarşenbe güni, 20-nji dekabrda Türkmenistanyň Halk Maslahatynyň Başlygy Gurbanguly Berdimuhamedow, Russiýa Federasiýasynyň Federal Ýygnagynyň Federasiýa Geňeşiniň Başlygy Walentina Matwiýenko bilen telefon arkaly söhbetdeşlik geçirdi.
Durnukly ulag boýunça Dostlar toparynyň 4-nji mejlisi 14-nji dekabrda Türkmenistanyň ýolbaşçylyk etmeginde göni wideoaragatnaşyk arkaly geçirildi. Oňa topara agza ýurtlaryň BMG-niň ýanyndaky diplomatik wekilhanalarynyň ýolbaşçylary we wekilleri gatnaşdy.
Türkmenistanyň Daşary işler ministrliginiň Halkara gatnaşyklary institutynda Gündogaryň beýik akyldar şahyry Magtymguly Pyragynyň döredijiligine bagyşlanan halkara maslahat geçirildi.
Türkmenistanyň wekiliýeti "Hazaryň deňiz giňişligini goramak hakynda" Çarçuwaly konwensiýasynyň çäklerinde döredilen ýörite bilermenler toparynyň birinji mejlisine gatnaşdy.
Türkmenistanyň Deňiz söwda flotynyň gämileri tarapyndan 2023-nji ýylyň ýanwar-noýabr aýlarynda ýük daşamagyň umumy mukdary 2022-nji ýylyň degişli döwri bilen deňeşdirilende 21,6% ýokarlandy we 2,06 million tonna ýetdi.
2023-nji ýylda dünýäde nebit we gaz serişdelerini agtarmaga we gazyp almaga gönükdirilen maýa goýumlaryň möçberi 2020-nji ýyldakydan 24 göterim artdy.
Birleşen Milletler Guramasynyň Baş Assambleýasy 2026-njy ýyly “Durnukly ösüş maksatlary üçin meýletinçileriň halkara ýyly” diýip yglan etmek hakyndaky Kararnamany kabul etdi.
Birleşen Milletler Guramasynyň Baş Assambleýasynyň agzalary “Merkezi Aziýanyň öňünde ekologiýa meseleleri: durnukly ösüş we abadançylygyň hatyrasyna sebit raýdaşlygyny pugtalandyrmak” atly Kararnamany kabul etdi.
Sişenbe güni, 19-njy dekabrda Türkmenistan bilen Ýewropa Bileleşiginiň bilelikdäki komitetiniň 22-nji mejlisi Ýewropa diplomatiýasynyň taryhy merkezinde - Brýusselde geçirildi. Bu forum diňe bir söwda we energetika ýaly ikitaraplaýyn gatnaşyklaryň iň möhüm taraplaryny seljermek üçin platforma hökmünde däl, eýsem esasy ykdysady ugurlarda taraplaryň arasynda özara düşünişmegi güýçlendirmek üçin katalizator hökmünde çykyş etdi.
Türkmenistanyň ir wagtdan bäri işläp gelýän işewürlik inkubatory bolan Startaplar akademiýasy we Merkezi Aziýanyň işewürligi goldaýan iň öňdebaryjy birleşmesi bolan “MOST” işewürlik intelligensiýasy Türkmenistanda IT işewürligini goldamakda hyzmatdaşlyk etjekdiklerini yglan etdiler.
19-njy dekabrda Türkmenistanyň Döwlet haryt çig-mal biržasynda geçirilen söwdalaşyklarda içerki we daşarky bazarda nebithimiýa, oba hojalyk, ýeňil senagatyň önümleri we türkmen el halylary satyldy.
Şu gün hormatly Prezidentimiz Serdar Berdimuhamedow bilen Eýran Yslam Respublikasynyň Prezidenti Seýed Ebrahim Raisiniň arasynda telefon arkaly söhbetdeşlik boldy.
Hormatly Prezidentimiz Serdar Berdimuhamedow Hytaý Halk Respublikasynyň Başlygy Si Szinpine ýurduň Gansu we Sinhaý welaýatlarynda bolup geçen, köp sanly adam pidalaryna, şikes ýetmelere getiren ýertitreme zerarly gynanç hatyny iberdi.
Ýekşenbe güni Aşgabatda - DevFest'23 tehnologiýa konferensiýasy geçirildi. Köpler muňa garaşýardylar: programmirlemegi öwrenmek isleýänler, işläp düzüjiler we IT pudagy bilen gyzyklanýanlar. Festiwalda köp tema açyldy: kitaphanalary we goşmaçalary ulanyp kod ýazmak, internetiň gurluşy, dizaýnyň inçelikleri we oýun düzülişiniň esaslary... Ýöne hemmesi hem tertip boýunça geçirildi.
Özbegistan 2030-njy ýyla çenli awtoulaglaryň öndürilişini 1 milliona ýetirmegi maksat edinýär.
