Startaplar akademiýasy we Gazagystanyň “MOST” işewürlik intelligensiýasy Türkmenistanda IT işewürligini goldamakda tagallalary birleşdirýärler
Türkmenistanyň ir wagtdan bäri işläp gelýän işewürlik inkubatory bolan Startaplar akademiýasy we Merkezi Aziýanyň işewürligi goldaýan iň öňdebaryjy birleşmesi bolan “MOST” işewürlik intelligensiýasy Türkmenistanda IT işewürligini goldamakda hyzmatdaşlyk etjekdiklerini yglan etdiler.
Startaplar akademiýasynyň we “MOST” işewürlik intelligensiýasynyň hyzmatdaşlygynyň çäklerinde IT işewürliklerine “Startup Academy Accelerator” maksatnamasy hödürlener.
“Startup Academy Accelerator” - bu startap taslamalaryny global bazarda giňeltmäge ýykgyn edýän iki aýlyk gysga ösüş maksatnamasydyr.
Bu maksatnama gatnaşyp, siz: • Okuw we terbiýeçilik: esaslandyryjylar we olaryň toparlary dürli işewürlik ugurlaryndan öňdebaryjy halkara hünärmenleriniň bilimlerine we tejribelerine eýe bolarlar.
• Bilermenler bilen hyzmatdaşlyk: işjeňleşdirmek maksatnamasy diňe bir bilimleri öwrenmek bolman, eýsem toparyň IT işewürliginiň ösüşi boýunça hünärmenler bilen bilelikdäki işidir. “MOST” işewürlik intelligensiýasynyň we “StartUp” akademiýasynyň mugallymlary we yzarlaýjylary taslamalaryňyzy ösdürmäge kömek eder.
• Maýa goýum mümkinçilikleri: startapçylar maýa goýumlaryny çekmek we “BIZANGEL Business Angels Club-yň” maýadarlaryndan maliýe goldawyny almak üçin öz taslamasyny taýýarlamaga mümkinçilik alarlar.
• Ulgamlaýyn aragatnaşyk: Işewür toparda gymmatly aragatnaşyk gurup, taslamaňyz üçin hyzmatdaş tapyp bilersiňiz.
• Netijeleri görkezmek: Startapçylar demo güni öz taslamalaryny we gazananlaryny maýadarlaryň we işewür hünärmenleriň öňünde görkezmäge mümkinçilik alarlar.
Häzirki wagtda ýöredýän IT işiňiz bar bolsa, bu mümkinçiligi elden gidirmäň we maksatnama gatnaşmak üçin ýüz tutuň. Ýüztutmalar geljek ýanwar aýynyň bäşine çenli kabul edilýär. Has giňişleýin maglumaty web-saýty arkaly tapyp bilersiňiz.
ORIENT news
